ჯინი, J-hope- და Suga ჯარში უკვე გაიწვიეს, ახლა კი იგივე პროცესი BTS-ის დანარჩენი წევრებისთვისაც დაიწყო. ამის შესახებ ინფორმაცია BTS-ის ლეიბლმა, Big Hit Music-მა, გაავრცელა. როგორც განცხადებაშია ნათქვამი, RM, Jimin, V და Jungkook სამხრეთ კორეის სავალდებულო სამხედრო სამსახურში მალე ჩაირიცხებიან.

"გვსურს, BTS-ის გულშემატკივრებს ვაცნობოთ, რომ RM-ის, Jimin-ის, V-ისა და Jungkook-ის ჯარში გაწვევის პროცესი დაწყებულია. მომღერლები სამხრედო მოვალეობის შესასრულებლად ემზადებიან. სიახლეებს ეტაპობრივად შეგატყობინებთ", — ნათქვამია Big Hit Music-ის განცხადებაში.

RM, Jimin, V და Jungkook ჯგუფის ბოლო 4 წევრი იყო, რომლებიც ჯარში აქამდე არ გაუწვევიათ. შეგახსენებთ, რომ ჯარში გაწვევის პროცესი ჯინისთვის 2022 წლის დეკემბერში დაიწყო, J-hope-თვის 2023 აპრილში, ხოლო Suga-თვის — 2023 წლის სექტემბერში.


"გთხოვთ, რომ RM-ს, Jimin-ს, V-ისა და Jungkook-ს მხარი დაუჭიროთ, სანამ სამხედრო სამსახურს დაასრულებენ და უსაფრთხოდ დაბრუნდებიან. ჩვენი კომპანია კი მუსიკოსების მხარდაჭერისთვის ძალისხმევას არ დაიშურებს", — ვკითხულობთ Big Hit Music-ის განცხადებაში.

შეგახსენებთ, რომ სამხრეთ კორეაში ყველა შრომისუნარიანი კაცი ვალდებულია, 28 წლამდე 18 თვე ჯარში იმსახუროს. თავიდან კანონი გამონაკლისს ითვალისწინებდა მათთვის, ვინც კულტურისა და ხელოვნების სფეროში წარმატებას მიაღწია. მოგვიანებით კი ცნობილი გახდა, რომ K-pop-ის წევრებს ჯარში მაინც გაიწვევდნენ.