პანელური დისკუსიების სერია: მაღალანაზღაურებადი დასაქმება და ინტელექტუალური საკუთრების უფლებები შემოქმედებით ინდუსტრიებში
USAID-ის ეკონომიკური უსაფრთხოების პროგრამა, საქართველოს ინტელექტუალური საკუთრების ეროვნული ცენტრი — საქპატენტი, საქართველოს ანიმატორთა ასოციაცია — საქანიმა, პოსტპროდუქციის კომპანია POSTRED, კინოსტუდია ენკენი ფილმს და სტუდია GARNAMATAC გამართავენ პანელური დისკუსიების სერიას ახალგაზრდებისთვის, შემოქმედებით ინდუსტრიებში მაღალანაზღაურებადი დასაქმების შესაძლებლობებისა და ინტელექტუალური საკუთრების უფლებების შესახებ.
პროექტი განკუთვნილია მათთვის, ვისაც აინტერესებთ საუნივერსიტეტო განათლების პარალელურად როგორ შეისწავლონ გლობალურ ბაზარზე ფილმის, ანიმაციის, ვიდეო თამაშებისა და სარეკლამო ინდუსტრიებში მოთხოვნადი და მაღალშემოსავლიანი პროფესიები.
აღნიშნული პროფესიების შესწავლას არ აქვს წინაპირობები. შემოქმედებით ინდუსტრიებში წარმატებულ არაერთ პროფესიონალს აქვს აკადემიური განათლება ისეთ სფეროებში, როგორებიცაა ეკონომიკა, ბიზნესი, კომუნიკაციები, ფსიქოლოგია, პოლიტიკური მეცნიერებები, მათ შორისაა, კარიბის ზღვის მეკობრეების პროდიუსერი Jerry Bruckheimer, Warner Bros. და Walt Disney Studios ხელმძღვანელი სხვადასხვა წლებში Alan F. Horn.
ჩაინიშნე: სესიები დაიწყება 30 ნოემბერს, ხოლო პირველი შეხვედრა ქართულ–ამერიკულ უნივერსიტეტში ჩატარდება.
პროექტის მონაწილეებს ექნებათ შესაძლებლობა:
- მოწვეული სპიკერების დახმარებით გაეცნონ როგორც ანტრეპრენერების გამოცდილებას, ასევე საქართველოს შემოქმედებით ინდუსტრიებში ახალგაზრდებისთვის არსებულ შესაძლებლობებს.
- ჩაერთონ კითხვა-პასუხის სესიაში და მიიღონ მათთვის საინტერესო ინფორმაცია ახალი პროფესიების შეძენისა თუ კარიერული განვითარებისთვის.
გარდა ამისა, პროექტის ფარგლებში განხილული იქნება ინტელექტუალურ საკუთრებასთან და საავტორო უფლებებთან დაკავშირებული საკითხები.
ინტელექტუალური საკუთრების სფეროს პროფესიონალები საქპატენტიდან ახალგაზრდებს გააცნობენ იმ ძირითად საკითხებს, რომელთა ცოდნაც მნიშვნელოვანია შემოქმედებით ინდუსტრიებში მოღვაწე ყველა პროფესიონალისა და კომპანიისთვის, ესენია: დიზაინი, საავტორო უფლებები, და სასაქონლო ნიშანი
ფილმი, ანიმაცია, ვიდეო თამაში, სარეკლამო რგოლი თუ ვიდეო ინსტალაცია, ისევე როგორც მათში გამოყენებული და მათთვის სპეციალურად შექმნილი მუსიკა, ინტელექტუალური საქმიანობის შედეგია. გარდა ამისა, იქმნება და იყიდება ფილმებთან თუ მათ პერსონაჟებთან დაკავშირებული უამრავი ნივთი: სათამაშოები, წიგნები, ტანსაცმელი, პოსტერები, სტიკერები. შესაბამისად, ინტელექტუალური საკუთრების უფლებებთან შეხება გვიწევს ყოველთვის, როდესაც სხვადასხვა ინტელექტუალური საკუთრების ობიექტს ვიყენებთ თუ ვქმნით.
მზარდი გლობალური მოთხოვნა, შრომის ბაზრების ღიაობა და შემოქმედებითი ინდუსტრიების მაღალი მობილურობა ქართველი ახალგაზრდებისთვის ქმნის დასაქმების კარგ შესაძლებლობებს. ფილმწარმოების, ვიდეო თამაშების წარმოებისა თუ პოსტპროდუქციის პროექტებში ჩართულობის გზით, ქართველი ახალგაზრდები მუშაობენ ისეთი საერთაშორისო სტუდიებისა და ბრენდების პროდუქციაზე, როგორებიცაა: Disney, Warner Bros., Universal Pictures, HBO, NETFLIX, Paramount Pictures, Sony Pictures, Nickelodeon, Honda, Nissan, Suzuki.
ინდივიდუალური პრეზენტაციებისა და პანელური დისკუსიების ფორმატში განხილული იქნება გლობალურ ბაზარზე, ფილმის, ანიმაციის, ვიდეო თამაშებისა და სარეკლამო ინდუსტრიებში მოთხოვნადი და მაღალშემოსავლიანი პროფესიები, რომელთა შეძენა შესაძლებელია საუნივერსიტეტო განათლების პარალელურად, ესენია: შემოქმედებითი ბიზნესის მენეჯერი, პროდიუსერი, ხმის დიზაინერი, 2D ანიმატორი, 3D ანიმატორი, კომპიუტერული თამაშების დეველოპერი, VFX/ვიზუალური ეფექტების პროდიუსერი და სხვა.
სპიკერების შესახებ
ბესო კაჭარავა — ხმის დიზაინერი
POSTRED-ის დამფუძნებელი და ხმის დიზაინერი, ასევე, POSTRED Academy-ის ლექტორი ხმის დიზაინის კურსზე. მან ვანკუვერის ფილმის სკოლა დაამთავრა ხმის დიზაინის მიმართულებით, შემდეგ საკუთარი კომპანია POSTRED დააარსა საქართველოში და, თავის გუნდთან ერთად, უამრავ საინტერესო პროექტზე იმუშავა ჰოლივუდიდან, მათ შორის ისეთ გამორჩეულ კომპანიებთან, როგორებიცაა NETFLIX, HBO, Paramount Pictures, Sony Pictures, Universal Pictures და ა.შ. ბესო ფილმების გარდა, ანიმაციებისთვის, ვიდეო თამაშებისთვის, და ინსტალაციებისთვის ქმნის ხმის დიზაინს. ის მოგიყვებათ თუ როგორ აძლევს ხმის დიზაინი საშუალებას მაყურებელს იმოგზაურონ ჯადოსნურ სამყაროებში.
ზვიად მღებრი (მღებრიშვილი) — მუსიკის კომპოზიტორი ვიზუალური მედიისთვის
POSTRED-ის თანადამფუძნებელი და კომპოზიტორი, ასევე, POSTRED Academy-ის ლექტორი მუსიკა ვიზუალური მედიისთვის კურსზე. ზვიად მღებრი ფილმების, ანიმაციების, ვიდეო თამაშებისა და ინსტალაციების კომპოზიტორია POSTRED-ში. მან კარიერა თავისი მუსიკალური ჯგუფის შექმნით დაიწყო. ის უკრავს უამრავ ინსტრუმენტზე და საკუთარ ინსტრუმენტებსაც კი ქმნის. ზვიადი მოგიყვებათ, თუ როგორ განსხვავდება ფილმებისთვის თუ ანიმაციებისთვის მუსიკის დაწერა, მუსიკის დაწერისგან მუსიკალური ჯგუფებისთვის. ის მოიყვანს მაგალითებს, თუ როგორ რადიკალურად ცვლის განწყობას ფილმში სხვადასხვა ჟანრის მუსიკა.
ლუკა ლებანიძე — ვიდეო თამაშების აუდიო დიზაინერი
POSTRED-ის Game Audio მიმართულების ხელმძღვანელია. Berklee College of Music-ში მაგისტრის ხარისხის მიღების შემდეგ, იგი საქართველოში, POSTRED-ის გუნდს შეუერთდა, სადაც მისი თაოსნობით შეიქმნა სწრაფად მზარდი ვიდეო თამაშების აუდიოს დეპარტამენტი, რომელიც დღეს მსოფლიოში უდიდესი ვიდეო თამაშების კომპანიის აუდიო მიმწოდებელია. ლუკა მოტივირებული და ნიჭიერი ახალგაზრდა არტისტების გუნდის ლიდერია, რაშიც მისი კრეატიული მენეჯმენტის უნარი ეხმარება. ის მოგიყვებათ ვიდეო თამაშებში ხმისა და მუსიკის მნიშვნელობაზე.
სოფიო ბენდიაშვილი — კინოპროდიუსერი
კინოსტუდია ენკენი ფილმს-ის (Enkeny Films) თანადამფუძნებელი და პროდიუსერი. Enkeny Films, როგორც ქართული საპროდიუსერო კომპანია, ორგზის ოსკარზე ნომინირებულმა კინოოპერატორმა ფედონ პაპამაიკლმა და ქართველმა პროდიუსერებმა ბაჩო მებურიშვილმა, სოფიო ბენდიაშვილმა და სოფიო ორჯონიკიძემ დააფუძნეს. 2019 წელს Enkeny Films გახდა პირველი ქართული კომპანია, რომელმაც ჰოლივუდის წამყვან ბლოკბასტერზე — Fast & Furious 9 გადაღებები განახორციელა საქართველოში და ადგილობრივ ინდუსტრიას მომავალი, მასშტაბური საერთაშორისო პროექტებისთვის გაუხსნა გზა. კომპანიის ძირითადი მიმართულებაა საერთაშორისო ადგილობრივი სტუდიებისა და დამოუკიდებელი კინომწარმოებლების მომსახურება საქართველოში და ორიგინალი ადგილობრივი კინო პროდუქტის შექმნა საერთაშორისო ბაზრისთვის.
ბაჩო მებურიშვილი — კინოპროდიუსერი
კინოსტუდია ენკენი ფილმს-ის (Enkeny Films) თანადამფუძნებელი და პროდუსერი, ასევე, კრეატიული სააგენტო ვოთერგანზის (watergunz) თანადამფუძნებელი. Enkeny Films, როგორც ქართული საპროდიუსერო კომპანია, ორგზის ოსკარზე ნომინირებულმა კინოოპერატორმა ფედონ პაპამაიკლმა და ქართველმა პროდიუსერებმა ბაჩო მებურიშვილმა, სოფიო ბენდიაშვილმა და სოფიო ორჯონიკიძემ დააფუძნეს. 2019 წელს Enkeny Films გახდა პირველი ქართული კომპანია, რომელმაც ჰოლივუდის წამყვან ბლოკბასტერზე — Fast & Furious 9 გადაღებები განახორციელა საქართველოში და ადგილობრივ ინდუსტრიას მომავალი, მასშტაბური საერთაშორისო პროექტებისთვის გაუხსნა გზა. კომპანიის ძირითადი მიმართულებაა საერთაშორისო ადგილობრივი სტუდიებისა და დამოუკიდებელი კინომწარმოებლების მომსახურება საქართველოში და ორიგინალი ადგილობრივი კინო პროდუქტის შექმნა საერთაშორისო ბაზრისთვის.
თიკა ნებიერიძე — ინტელექტუალური საკუთრების უფლებების სპეციალისტი
საქართველოს ინტელექტუალური საკუთრების ეროვნული ცენტრის — საქპატენტის იურიდიული დეპარტამენტის უფროსი. თიკა აქტიურად არის ჩართული საქართველოს კანონმდებლობის ევროკავშირის კანონმდებლობასთან ჰარმონიზაციის პროცესში და ამასთან არის საქპატენტის სააპელაციო პალატის წევრი, რომელიც განიხილავს ინტელექტუალური საკუთრების ობიექტებზე საქპატენტის მიერ მიღებული გადაწყვეტილებებთან დაკავშირებულ დავებს. თიკა მოგიყვებათ ინტელექტუალური საკუთრების, მათ შორის საავტორო უფლებების იმ ძირითადი და მნიშვნელოვანი ასპექტების შესახებ, რომელთა ცოდნაც აუცილებელია შემოქმედებით ინდუსტრიებში პირველი ნაბიჯების გადასადგმელად და თავის დასამკვიდრებლად.
მარიამ კანდელაკი — ანიმაციური ფილმების პროდიუსერი
ანიმაციური ფილმების პროდიუსერი. იგი ბერლინში, ჰანფილმში, ანიმაციური ფილმების სტუდიაში საქმიანობდა წლების განმავლობაში, როგორც კომერციულ, ასევე ექსპერიმენტულ, შემოქმედებით ანიმაციაში. მარიამი მრავალი საერთაშორისო პროექტის მონაწილე, ფესტივალების ორგანიზატორი და არაერთი ანიმაციური ფილმის ავტორია. ანიმაციის სექტორის სხვა წარმომადგენლებთან ერთად, იგი არის ასევე საქართველოს ანიმატორთა ასოციაცია საქანიმას და ანიმაციის ჰაბის დამფუძნებელი და დირექტორი საქართველოში, რომელიც დამწყებ ანიმატორებსა და ანიმაციით დაინტერესებულ ახალგაზრდებს სთავაზობს სწავლისა და პროექტებში ჩართულობის შესაძლებლობებს.
ოთო შამუგია — შემოქმედებითი პროექტების მართვა
სტუდია გარნამატაკის (GARNAMATAC) მმართველი პარტნიორი და პროექტების მენეჯერი. ოთო არის ESM-ის ბიზნესის ადმინისტრირების ბაკალავრი და ჰარვარდის უნივერსიტეტის მაგისტრანტობის კანდიდატი ინდუსტრიულ-ორგანიზაციულ ფსიქოლოგიაში. მას GARNAMATAC-ის გუნდთან ერთად ისეთი საერთაშორისო ბრენდების ანიმაციებზე აქვს ნამუშევარი, როგორიცაა TAG Heuer, Hennig-Olsen, Vodafone, Lidl და Nickelodeon. ამ უკანასკნელისთვის წარმოებული 3D ანიმაცია 2022 წელს ნომინირებული იყო ემიზე კატეგორიაში Outstanding Promotional Announcement. ოთოს ინიციატივით 2021 წელს შეიქმნა სწავლების VET მოდელზე დაფუძნებული მოკლევადიანი სასწავლო პროგრამა Training-for-Life (T4L), რომელიც ერთ წელიწადში ანიმაციური სფეროთი დაინტერესებულმა 100-ზე მეტმა ახალგაზრდამ გაიარა.
სესიები ჩატარდება პროგრამის პარტნიორ უნივერსიტეტებთან თანამშრომლობით, რომელთა შორის არიან:
- ქართულ-ამერიკული უნივერსიტეტი (GAU),
- კავკასიის უნივერსიტეტი,
- ქუთაისის საერთაშორისო უნივერსიტეტი,
- ალტე უნივერსიტეტი.
დამატებითი ინფორმაციის სანახავად ეწვიეთ ბმულს.
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვაფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში ფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
-
გადახედვა"დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება "დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება
-
გადახედვაშსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს შსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს
-
გადახედვასია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
-
გადახედვაპარლამენტმა რუსული კანონი მეორე მოსმენით მიიღო პარლამენტმა რუსული კანონი მეორე მოსმენით მიიღო
-
გადახედვარა არის წიწაკის სპრეი და როგორ მოვიქცეთ, თუ შეგვასხამენ რა არის წიწაკის სპრეი და როგორ მოვიქცეთ, თუ შეგვასხამენ
-
გადახედვა9 აპრილის ქუჩაზე დიდი რაოდენობის სპეცრაზმი და საპოლიციო ძალებია მობილიზებული 9 აპრილის ქუჩაზე დიდი რაოდენობის სპეცრაზმი და საპოლიციო ძალებია მობილიზებული
-
გადახედვაროგორ დავიცვათ ციფრული მონაცემები საპროტესტო აქციაზე — 5 რჩევა როგორ დავიცვათ ციფრული მონაცემები საპროტესტო აქციაზე — 5 რჩევა
-
გადახედვაშსს: "მოვუწოდებთ პარლამენტთან შეკრებილებს, არ დაუშვან საავტომობილო გზების პარალიზება და ძალადობრივი მოწოდებები" შსს: "მოვუწოდებთ პარლამენტთან შეკრებილებს, არ დაუშვან საავტომობილო გზების პარალიზება და ძალადობრივი მოწოდებები"
კომენტარები