რუსთავი 2-ის გადაცემა არჩევანის ეთერში, საქართველოს ექსპრეზიდენტმა და უკრაინის ოპოზიციური პარტიის ლიდერმა, მიხეილ სააკაშვილმა, 2008 წლის აგვისტოს ომზე ისაუბრა.

კითხვაზე, ამ გადმოსახედიდან, ფიქრობს თუ არა, რომ აგვისტოს ომის არიდება შესაძლებელი იყო, სააკაშვილმა განაცხადა, რომ ყირიმის ოკუპაციამ მას უკანასკნელი ეჭვებიც გაუქარწყლა:

"მე თუ რამე ეჭვები მქონდა ამ თემაზე, ყირიმის ანექსიამ ეს ეჭვები საბოლოოდ გამიქრო. ყირიმში უკრაინამ ხელი არ გაანძრია საერთოდ, უკრაინის ხელმძღვანელობა ამბობდა, მოდი არ შევუბრუნოთ ხელი, მოდი არ ავყვეთ პროვოკაციას. და სად არის ახლა ყირიმი? ყირიმს მოყვა დომბასი, არეულობა ოდესაში - მსხვერპლით და მრავალთვიანი ომი, სადაც დაიღუპა მრავალი ათასი ადამიანი".

სააკაშვილის თქმით, რუსეთს, კოსოვოს შემდეგ, საქართველოში და დედაქალაქ თბილისში, შემოჭრა ჰქონდა გადაწყვეტილი, რაც მისმა ხელისუფლებამ თავიდან აიცილა.