რა ხდება: მოსკოვში გაიხსნა ყოველწლიური ღონისძიება რუსეთი, საქართველო, ქრისტიანული აღმოსავლეთი, სულიერი და კულტურული კავშირები, რომელსაც ახალქალაქის, კუმურდოს და კარის მიტროპოლიტი, ნიკოლოზ ფაჩუაშვილი ესწრება, ინფორმაციას რუსეთის საპატრიარქო ავრცელებს.

  • მათივე ინფორმაციით, გადაიხადეს ანდრეი რუბლიოვის სახელობის ხელოვნების მუზეუმის დამფუძნებლის, დავით არსენიშვილის პანაშვიდი, რომელიც მიტროპოლიტ ნიკოლოზის ნათესავი იყო.
  • ლოცვა მიმდინარეობდა ქართულ და საეკლესიო სლავურ ენებზე.
  • მემორიალური მსახურების დასრულების შემდეგ, მიტროპოლიტმა ნიკოლოზმა განაცხადა, რომ ამ დღის აღსანიშნავად მოსკოვში ის უკვე ათი წელია ჩადის.

"მიუხედავად ორ ქვეყანას შორის დაძაბული ურთიერთობისა, ეპიდემიისა, დავით არსენიშვილისთვის პანაშვიდი ყოველთვის იმართება. ეს ურთიერთობები არ არის დამოკიდებული დროზე, შექმნილ ვითარებაზე, ან სხვა რამეზე. ეს არის ჩვენი ერთობა ქრისტეში. ამიტომ ძალიან მადლიერი ვარ თქვენი, რუსული მართლმადიდებლური ეკლესიის და რუსი ხალხის. ეს დღე ყოველთვის მნიშვნელოვანია ჩვენთვის", — თქვა მიტროპოლიტმა ნიკოლოზ ფაჩუაშვილმა.

  • ქართველმა სასულიერო პირმა, ასევე, მონაწილეობა მიიღო ღია კონფერენციაში.