Friends-ის მსახიობ მეთიუ პერის სურდა, რომ თუ მომავალში თავის შესახებ დოკუმენტურ ფილმს გადაიღებდნენ, იგი ზაკ ეფრონს განესახიერებინა. ამის შესახებ ეფრონიც ამბობს, რომ მისთვის პერის განსახიერება დიდი პატივი იქნებოდა. მსახიობები ერთად ფილმ 17 Again-ზე მუშაობდნენ.

ჩენდლერის როლის შემსრულებელი მეთიუ პერი ცოტა ხნის წინ 54 წლის ასაკში გარდაიცვალა. მსახიობი ლოს-ანჯელესში, საკუთარ სახლში, გარდაცვლილი იპოვეს, თუმცა ჯერჯერობით მისი გარდაცვალების მიზეზებზე ინფორმაცია ოფიციალურად არ დასტურდება.

ეფრონი მისი გარდაცვალების გამო მწუხარებას გამოხატავს და ფილმზე ერთად მუშაობის პერიოდს იხსენებს.

"მეთიუ ჩემთვის მენტორი იყო და ერთად არაჩვეულებრივი ფილმი გამოგვივიდა. მისგან ძალიან ბევრი რამე ვისწავლე. ჩემთვის დაუჯერებელი იყო ხოლმე, როცა პერის გადასაღებ მოედანზე ვხედავდი, რადგან ის ჩემთვის მთელი ცხოვრება მისაბაძი მაგალითი იყო", — აღნიშნა ზაკმა.

ფილმში 17 again პერი 37 წლის მაიკს განასახიერებდა, რომელიც ცხოვრებაში დაშვებულ შეცდომებს ნანობდა, ეფრონი კი ასევე მაიკის როლს ასრულებდა, თუმცა 17 წლის ასაკში.

ნახეთ ასევე: