ღაზის სექტორში, ბოლო 24 საათის განმავლობაში, 219 ადამიანი დაიღუპა, ინფორმაციას ავრცელებს პალესტინის ჯანდაცვის სამინისტრო, რომელსაც ჰამასი აკონტროლებს.

  • 7 ოქტომბრიდან დღემდე ომს, სულ მცირე, 8 525 ადამიანი ემსხვერპლა. გუშინ ეს რაოდენობა 8 306 იყო.
  • დაღუპულთა შორის არის 3 542 ბავშვი და 2 187 ქალი.

მსგავსი თემა: როგორ ითვლიან, რამდენი ადამიანი იღუპება ღაზაში

რა ვითარებაა ღაზაში: ისრაელისთვის მთავარი სამიზნე ახლა ქალაქი ღაზაა.

  • იმის გამო, რომ იქ არ არის სატელეფონო კავშირი და ინტერნეტი, ქალაქში დარჩენილების მდგომარეობა, მათი ახლობლებისთვის, უცნობია.
  • ვრცელდება კადრები, როგორ გადაადგილდებიან ისრაელის ჯარები ღაზის სექტორში.
  • ამასთან, ისრაელის შეიარაღებულმა ძალებმა განაცხადა, რომ შეტევა მიიტანეს ღაზის ყველა ნაწილზე, სადაც კი შეიძლება იყვნენ ჰამასის წევრები, ან მდებარეობდეს მათი ინფრასტრუქტურა.