თითქმის 20 წელი გავიდა, მას შემდეგ, რაც Mean Girls გამოვიდა. პარასკევს ლოს-ანჯელესში ფილმის მსახიობების ნაწილი ერთმანეთს შეხვდა, თუმცა ჯერ არ ვიცით, რა პროექტზე მუშაობენ ისინი ერთად.

მთავარი როლების შემსრულებლები ლინდსი ლოჰანი, ამანდა საიფრედი და ლეისი ჩაბერტი კამერებმა ფეხბურთის მოედანზე დააფიქსირეს. მათ მხოლოდ რეიჩელ მაკადამსი აკლდათ, რომელიც ფილმში ლეგენდარული ბოროტი გმირის, რეჯინა ჯორჯის, როლს ასრულებს.

აღსანიშნავია ისიც, რომ ამანდას და ლეისის ვარდისფერი ეცვათ! ასევე, მანქანა, რომლითაც ჩაბერტი შენიშნეს, ძალიან ჰგავდა იმ ავტომობილს, რომელიც ორიგინალ ფილმში გამოიყენეს.

ლოჰანი ფილმში აფრიკიდან ახალგადმოსული სტუდენტია და სკოლის იერარქიას ახლაღა ეცნობა. მას სკოლის პოპულარული გოგოები — რეჯინა, კარენი (ამანდა საიფრედი) და გრეჩენი (ლეისი ჩაბერტი) დაუმეგობრდებიან.

საზიზღარი გოგოები პირველად 2004 წელს იხილა მაყურებელმა და საკულტო ფილმის სტატუსს დღემდე არ კარგავს. მასში მონაწილე ახალგაზრდა მსახიობებს კი დღეს უკვე მთელ მსოფლიოში იცნობენ.

შემდეგ წელს ფილმის გამოსლიდან 20 წელი გადის და საზიზღარი გოგოების მიუზიკლის ფილმი გამოდის. მისი სცენარისტი კვლავაც, ისევე, როგორც ორიგინალი ფილმის, თინა ფეია. შესაძლოა, სახიობები სწორედ 20 წლის თავისთვის გვიმზადებენ სიურპრიზს! თებერვალში ამანდამ ერთ-ერთ ინტერვიუში აღნიშნა, რომ საზიზღარი გოგოების ახალ პროექტზე სიამოვნებით იმუშავებდა.