ქართული წარმოების ჯიბის საფერფლეები ქუჩაში სისუფთავის დაცვაში დაგეხმარებათ
„ღადაობ?“, „ისარაქვია“, „მოკლედ რაა“, „მოიხოდე“ - ეს და მსგავსი სიტყვები დროთა განმავლობაში ურბანული ლექსიკონის კლასიკად ჩამოყალიბდა. ამ სიტყვებს ყოველდღიურ ცხოვრებაში აქტიურად ვიყენებთ. ცოტა ხნის წინ, ალბათ ვერც კი წარმოვიდგენდით, რომ ეს სიტყვები საუბრის გარდა, სხვა მიზნითაც შეიძლებოდა გამოგვეყენებინა და მისგან რეალური პროდუქტი შეგვექმნა.
სამაგიეროდ, ამ სიტყვებს სხვა თვალით ორმა ახალგაზრდა გოგომ შეხედა და მათი კრეატივის ნაყოფს მთელი საქართველო აქტიურად მიეჯაჭვა. ნინო ჩიტაძემ და ქეთი ლობჟანიძემ ბიზნეს საქმიანობა გართობით დაიწყეს. პირველად, მათი სამეგობრო წრისთვის დამახასიათებელი სიტყვები შეკრიბეს და სტიკერები დაამზადეს. მათ მიერ შექმნილმა სტიკერებმა მეგობრებში დიდი მოწონება დაიმსახურა და აუდიტორია ნელნელა გაფართოვდა.
ბაზარზე მათი პირველი გამოჩენა Flea Market-ს უკავშირდება. დედაენის ბაღში შეკრებილი ახალგაზრდების ყურადღება უჩვეულო და ორიგინალურმა სტიკერებმა მაშინვე მიიპყრო. ღია ცის ქვეშ გამართულმა ბაზარმა, რომელსაც ძირითადად ახალგაზრდები სტუმრობენ ხოლმე, ნინოს და ქეთის ნათლად დაანახა, რომ მათ პროდუქტზე მოთხოვნა საკმაოდ დიდი იყო. ერთი მხრივ, საქართველოში სტიკერების პრობლემა ყოველთვის არსებობდა. ერთი წლის წინ ორიგინალური სტიკერის პოვნა ქართულ ბაზარზე ურთულეს საქმეს წარმოადგენდა, ახლა კი მისი შეძენა ძალიან მარტივია.
ნინომ და ქეთიმ გადაწყვიტეს, რომ თავიანთ საყვარელ საქმიანობაზე უფრო სერიოზულად ეფიქრათ და კომპანია დააფუძნეს. სახელის დარქმევა არ გასჭირვებიათ, რადგან ინსპირაცია თავად საქმიანობიდან გამომდინარეობდა. სახელად მიდი • Midi შეარჩიეს. ისინი სწრაფად განვითარდნენ და Flea Market-იდან, დიდი მოთხოვნის გამო, მალევე გადაინაცვლეს სხვადასხვა მარკეტებში, სპეციალურ დახლებზე.
ნინო და ქეთი ყველასათვის საყვარელ პროდუქტს უშუალო გარემოში, საცხოვრებელ ბინაში ქმნიან. ყველაფერს თავისი ხელით აკეთებენ, მათ შორის სტიკერების დიზაინს, მაისურებსა და ყველა სხვა პროდუქტს. კომპანიისთვის დამახასიათებელ ყველა სამუშაოსაც თავად ასრულებენ. ისინი წარმატებით ითავსებენ როგორც სოციალური მედია მენეჯერის პოზიციას, ასევე ბუღალტერის.
მიდი • Midi-ის, როგორც ახალ კომპანიას, თავიდანვე ჰქონდა თავისი ნიშა. ისინი არა უბრალოდ სტიკერებს, არამედ თემატურად აქტუალურ პროდუქტს ქმნიან. ფრაზებსა და სიტყვებს როგორც ინდივიდუალურად, ისე მომხმარებელთან ერთად არჩევენ. მათთვის ძალიან მნიშვნელოვანია, რომ მათი პროდუქტი ზუსტად ერგებოდეს ქართულ რეალობასა და ურბანულ თემატიკას. მიდის წარმატებაზე ისიც მეტყველებს, რომ მათ სტიკერებს უამრავი ახალგაზრდის ტელეფონზე, მანქანასა თუ კომპიუტერზე იხილავთ.
აღსანიშნავია, რომ სტიკერები არ არის ერთადერთი პროდუქტი, რომელსაც კომპანია ქმნის. სტიკერების გარდა, ახალგაზრდა გოგოებმა რამდენიმე აქსესუარი დაამზადეს, რომელიც ასევე ურბანული თემატიკით არის გაჯერებული.
სტიკერების შემდეგ, ერთ-ერთი პირველი პროდუქტი, რომელიც ნინომ და ქეთიმ შექმნეს, ბრენდირებული ჯიბის საფერფლეებია. ისინი ამბობენ, რომ ჯიბის საფერფლის დამზადების ინსპირაცია ყოველდღიური გამოცდილებიდან გაჩნდა. ნინოს და ქეთის კარგად ესმით, რომ ბიზნეს საქმიანობა მხოლოდ შემოსავლების დათვლა არ არის და ნებისმიერი საქმიანობის უკან სოციალური პასუხისმგებლობა დგას.
სწორედ სოციალური პასუხისმგებლობის ფარგლებში, კომპანია მიდი • Midi-იმ „არ დააგდო“-ს კამპანია დაიწყო, რომელიც ადამიანებს სისუფთავის დაცვისკენ მოუწოდებს. ამ კამპანიის ერთ-ერთი ნაწილია ჯიბის საფერფლეები, რომლებიც კომპანიისთვის დამახასიათებელ ფერებშია დამზადებული და ფართოდ გავრცელებული ურბანული ფრაზები და სიტყვები ამშვენებს.
კამპანიის ავტორების აზრით, ლამაზი და მიმზიდველი საფერფლეები ხელს შეუწყობს კამპანიის გავრცელებას და ადამიანები საფერფლეების ხათრით მაინც აღარ დაყრიან ქუჩაში სიგარეტის ნამწვებს.
კიდევ ერთი პროდუქტი, რომელიც ამავე კამპანიის ფარგლებში შექმნეს, ძაღლის აქსესუარია. ცნობილია, რომ გარემოს დაბინძურების ერთ-ერთი მთავარი მიზეზი ძაღლის ფეკალიებია, რომელსაც პარკებსა თუ ქუჩებში ხშირად შეხვდებით. ამ პრობლემის გადასაჭრელად, ნინომ და ქეთიმ ახალი პროდუქტის შექმნა გადაწყვიტეს. ძაღლის ჩანთა - რომელსაც ერთჯერადი ხელთათმანები მოჰყვება. ძაღლის ჩანთა ძალიან კომპაქტურია. ის პირდაპირ საყელურს უმაგრდება და მისი ტარება არანაირ პრობლემას არ წარმოადგენს.
მიდი • Midi-მ ბაზარზე გამოჩენის შემდეგ, თავის მომხმარებლებს კიდევ რამდენიმე მნიშვნელოვანი და კრეატიულად შეფუთული პროდუქტი შესთავაზა. სტიკერებთან, საფერფლესთან და ძაღლის ჩანთას ერთად, ჩამონათვალშია სანთებელა, ყოველდღიური და წელის ჩანთები, მაისურები, საფულეები, და ა.შ.
წარმატებისკენ მიმავალი გზა ყოველთვის რთულია და დიდ შრომას მოითხოვს. წარმატების ერთ-ერთი მთავარი ფორმულა კი მისი გაზიარებაა. სწორედ ამ მოტივით, ნინომ და ქეთიმ თიბისი ბანკის ბიზნესდაჯილდოებაში გადაწყვიტეს მონაწილეობა. კომპანიის ერთ-ერთი დამფუძნებელი ქეთი ლობჟანიძე დამწყებ სტარტაპერებს ბევრი მუშაობისკენ მოუწოდებს და აფრთხილებს, რომ დაბრკოლებებს არ შეუშინდნენ.
„ყველაზე მთავარია, რომ როგორც კი იდეა გაგიჩნდებათ, მაშინვე დაიწყოთ განხორციელება. დღეს ძალიან ბევრი საშუალებაა იმისთვის, რომ ნულიდან დაწყებული საქმე დიდ ამბებად ვაქციოთ. შრომა არ უნდა დაგეზაროთ, განსაკუთრებით პირველ ეტაპზე, როცა მცირე ბიუჯეტის გამო, ყველაფრის გაკეთება თავად მოგიწევთ. რაც ყველაზე მთავარია, პირველივე ნაბიჯიდანვე უნდა ირწმუნოთ საკუთარი „ბრენდობის“ და ყოველთვის აღიქვათ ბრენდი, როგორც დამოუკიდებელი ადამიანი, რომელსაც ყველა ის გარემო სჭირდება, რაც ჩვეულებრივ ადამიანს“, ამბობს ქეთი ლობჟანიძე
შეგახსენებთ, რომ #გააზიარეწარმატება - ამ სლოგანით საქართველოს ისტორიაში ყველაზე მასშტაბური ბიზნესდაჯილდოება, თიბისი ბანკისა და ჯეოსელის ორგანიზებით, წელს მეორედ გაიმართება. შვიდ ნომინაციაში კონკურსანტების რეგისტრაცია უკვე დაწყებულია და ის ვებგვერდზე businessaward.ge-ზე მიმდინარეობს.
-
გადახედვაგზამკვლევი — როგორ შეგიძლია მიიღო იურიდიული დახმარება, თუ ამის ფინანსური შესაძლებლობა არ გაქვს გზამკვლევი — როგორ შეგიძლია მიიღო იურიდიული დახმარება, თუ ამის ფინანსური შესაძლებლობა არ გაქვს
-
გადახედვაგამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს გამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს
-
გადახედვაროცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის როცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის
-
გადახედვადიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე დიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე
-
გადახედვაშესაძლოა, მარსზე ერთ მეტეორიტს 3 მილიარდამდე კრატერი წარმოექმნა შესაძლოა, მარსზე ერთ მეტეორიტს 3 მილიარდამდე კრატერი წარმოექმნა
-
გადახედვამეტყველების ეს მახასიათებელი შესაძლოა, დემენციის ადრეული ნიშანი იყოს მეტყველების ეს მახასიათებელი შესაძლოა, დემენციის ადრეული ნიშანი იყოს
-
გადახედვაპიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე პიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე
-
-
გადახედვაგზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ გზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ
-
-
გადახედვაიენს სტოლტენბერგი სალომე ზურაბიშვილს შეხვდა იენს სტოლტენბერგი სალომე ზურაბიშვილს შეხვდა
-
გადახედვა"გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს "გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს
-
გადახედვა"ოკუპირებულ ტერიტორიებზე არჩევნების ჩატარება საქართველოს ტერიტორიულ მთლიანობას უხეშად ლახავს" — ზურაბიშვილი "ოკუპირებულ ტერიტორიებზე არჩევნების ჩატარება საქართველოს ტერიტორიულ მთლიანობას უხეშად ლახავს" — ზურაბიშვილი
-
-
გადახედვა"ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს "ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს
-
გადახედვაპითონის ხორცი შესაძლოა, მომავლის ეკომეგობრულ საკვებად იქცეს პითონის ხორცი შესაძლოა, მომავლის ეკომეგობრულ საკვებად იქცეს
-
გადახედვარაზე ილაპარაკა იენს სტოლტენბერგმა — აქცენტები რაზე ილაპარაკა იენს სტოლტენბერგმა — აქცენტები
-
გადახედვამეცნიერებს სოკოს გენმოდიფიცირებით ხორცის შექმნა სურთ მეცნიერებს სოკოს გენმოდიფიცირებით ხორცის შექმნა სურთ
-
-
გადახედვასაგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას საგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას
-
კომენტარები