ევროპის საბჭოში საქართველოს მუდმივი წარმომადგენლის პოსტზე თამარ ტალიაშვილს ხატია წილოსანი შეცვლის.

ევროპის საბჭოში საქართველოს ახალი მუდმივი წარმომადგენელი ეყოლება. ოცნების ხელისუფლების პრემიერმა ირაკლი კობახიძემ პოსტზე ხატია წილოსანი წარადგინა. ამის შესახებ ინფორმაცია საგარეო უწყების ვებგვერდზე გამოქვეყნდა.

ხატია წილოსანი 2019-2020 წლებში საქართველოს გარემოს დაცვისა და სოფლის მეურნეობის მინისტრის მოადგილე იყო, ხოლო 2020-2024 წლებში საქართველოს პარლამენტის წევრი, გარემოს დაცვისა და ბუნებრივი რესურსების კომიტეტის თავმჯდომარის პირველი მოადგილე. ოცნების საგარეო უწყების თქმით, ხატია წილოსანი ასევე მუშაობდა სოფლის მეურნეობის სამინისტროში წამყვან პოზიციებზე და საერთაშორისო ორგანიზაციებშიც.

ცნობისთვის, მისი წინამორბედი თამარ ტალიაშვილი იყო, რომელიც კობახიძემ დღეს აშშ-ში საქართველოს ელჩად წარადგინა.

იხილეთ ასევე: