მსოფლიოს ერთ-ერთი ყველაზე პოპულარული გოგოების კ-პოპ ჯგუფი, ITZY, თბილისშია — ჯგუფმა დღეს ინტერნეტში ახალი სიმღერა, Girls Will Be Girls გაავრცელა, რომელიც საქართველოშია გადაღებული.

მუსიკალურ კლიპთან ერთად, ჯგუფის წევრებმა თბილისში გადაღებული ვიდეოები გაავრცელეს, რომლებმაც სოციალური ქსელები სწრაფად მოიცვა და ქართველი ფანების განხილვის საგნად იქცა:

ITZY სამხრეთ კორეული პოპ-ჯგუფია, რომელიც 2019 წელს ჩამოყალიბდა კომპანია JYP Entertainment-ის მიერ. ჯგუფის წევრები არიან იეჯი, ლია, რიუკინი, ჩერიონგი და იუნა. მათი დებიუტი 2019 წლის 12 თებერვალს შედგა, სინგლით DALLA DALLA, რომელმაც დიდი მოწონება დაიმსახურა და K-pop ინდუსტრიაში მაშინვე დიდი ყურადღება მიიპყრო.