როგორც აღმოჩნდა, წითელ ხალიჩაზე კამერები არამხოლოდ ცნობილი ადამიანების ჩაცმულობასა თუ ღიმილს აფიქსირებენ, არამედ სამარცხვინო მომენტებსაც, რომლებიც თურმე, მხოლოდ ჩვენ არ გვემართება.

ამ სტატიაში 8 უხერხულ მომენტს გავიხსენებთ, როდესაც წითელ ხალიჩაზე სელებრითებმა ერთმანეთი დააიგნორეს.

1. შაკირა და კომიკოსი ტიფანი ჰადიში 2023 წლის VMA-ის დაჯილდოებაზე

ინტერნეტში ვირუსულად გავრცელებულ ვიდეოში ჩანს, რომ კომიკოსი ტიფანი ჰადიში შაკირას მისდევს და თან ეძახის, თუმცა მომღერალი მისთვის პასუხის გასაცემად თავს არ იწუხებს. იმავე დაჯილდოებაზე მაშინ, როცა წითელ ხალიჩაზე მყოფ შაკირას ფოტოებს უღებდნენ, ტიფანი ჰადიში მის ფოტოებში მოხვედრას ამაოდ ცდილობდა, თუმცა პოპვარსკვლავი მას ყურადღებას კვლავაც არ აქცევდა.

2. მსახიობი ოსტინ ბატლერი და მისი ყოფილი შეყვარებული ვანესა ჰაჯენსი ოსკარის დაჯილდოების შემდეგ წვეულებაზე

მსახიობები და ყოფილი პარტნიორები ერთმანეთს წვეულებაზე შემთხვევით გადაეყარნენ — როცა ოსტინს ფოტოებს უღებდნენ, ვანესამ მას ცხვირწინ ჩაუარა, ერთი წამით ამოხედა და შემდეგ ტელეფონში თავჩარგულმა უემოციო სახით გააგრძელა სვლა. სოციალურ ქსელში ამ ვიდეოს ძალიან დიდი გამოხმაურება მოჰყვა, ვანესამ კი პასუხად მალალას ვიდეო გააზიარა, რომელშიც ის ამბობს: "მე მხოლოდ მშვიდობაზე ვსაუბრობ".

3. 2014 წელს წითელ ხალიჩაზე სოფია ვერგარა და მისი ყოფილი საქმრო ნიკ ლოები

სოფია ინტერვიუერის შეკითხვას პასუხობდა, როდესაც მისმა ყოფილმა საქმრომ ლაპარაკი გააწყვეტინა, სოფიას კი მისთვის პასუხიც არ დაუბრუნებია და ჟურნალისტთან გააგრძელა საუბარი.

4. ჰარი სტაილსი და რეჟისორი ოლივია უაილდი ვენეციის კინოფესტივალზე

Don't Worry Darling-ის მსახიობი, ჰარი სტაილსსა და რეჟისორი ოლივია უაილდზე ვრცელდებოდა ხმები, რომ ერთმანეთს ხვდებოდნენ. სწორედ იმ პერიოდში სელებრითები ვენეციის კინოფესტივალზე გამოჩნდნენ, თუმცა ჟურნალისტებმა მალევე შეამჩნიეს, რომ "წყვილი" ერთმანეთს თავს არიდებდა. გავრცელებულ ვიდეოში ისიც კი ჩანს, რომ ფოტოგრაფებმა ჰარის ოლივიას გვერდით დადგომა სთხოვეს, თუმცა მან მასა და უაილდს შორის სხვა მსახიობი დააყენა.

5. ემი შუმერი, კიმ კარდაშიანი და კანიე ვესტი 2015 წლის Time 100-ის წითელ ხალიჩაზე

მსახიობი ემი შუმერი წითელ ხალიჩაზე კიმ კარდაშიანისა და კანიე ვესტის წინ დაეცა, თუმცა წყვილმა მას უბრალოდ გვერდი აუარა და მისი წამოყენება ან გამხნევება არ უცდიათ, ვესტმა შუმერს არც კი გაუღიმა. მოგვიანებით, მსახიობმა ეს ინციდენტი გაიხსენა და თქვა, რომ მისი აზრით, წყვილს წარმოდგენა არ ჰქონდა, თვითონ ვინ იყო, რითაც "ამ სამარცხვინო შემთხვევის გახსენებისას თავს იმშვიდებს".

ფოტო: Getty Images

6. მომღერალი კეშა და კომიკოსი ჯერი სეინფილდი 2017 წელს კენედის ცენტრში

კნედის ცენტრში გამართულ ღონისძიებაზე მომღერალმა კეშამ კომიკოს ჯერი სეინფილდს ინტერვიუს მიცემა იმის სათქმელად შეაწყვეტინა, რომ მისი ფანია და სეინფილდისთვის ჩახუტება ეთხოვა, თუმცა მოულოდნელი უარი მიიღო, თანაც რამდენჯერმე. კეშამ ერთ-ერთ ინტერვიუში ამ უხერხულ სიტუაციას "მისი ცხოვრების ყველაზე სევდიანი მომენტი" უწოდა.

7. მსახიობი ტომ ჰოლანდი და ლორა ჰარიერი 2016 წლის კომიკ-კონზე

როდესაც ფილმ Spider-Man: Homecoming-ის მსახიობები ჟურნალისტს ესაუბრებოდნენ, ლორა ჰარიერმა ტომ ჰოლადს ხელი მოხვია, ტომმა ის მაშინვე მოიშორა და სიტუაციის გასანეიტრალებლად ფილმის ყველა მსახიობს ხელები მეგობრულად გადახვია. შემდეგ კი ისიც იკითხა, მისი ახლა უკვე შეყვარებული, ზენდეია სად იყო.