იტალიელი მსახიობი პაოლო ვილაჯო, რომელმაც კომედიაში უნიკალური სტილი დაამკვიდრა და ძირითადად სატირულ კომედიური პერსონაჟებით იყო ცნობილი, გარდაიცვალა.

როგორც იტალიური მედია იუწყება, 84 წლის მსახიობი საავადმყოფოში გარდაიცვალა.

ვილაჯომ თავისი კარიერის განმავლობაში არაერთი საინტერესო როლი შექმნა, თუმცა განსაკუთრებული პოპულარობა უგო ფანტოცის როლმა მოუტანა, რომელიც რეჟისორმა ლუჩანო სალჩემ ვილაჯოს წიგნების მიხედვით შექმნა.

მსახიობს 1992 წელს, ვენეციის კინოფესტივალზე, კინოში შეტანილი წვლილისთვის ოქროს ლომი გადასცეს.