ცოტა ხნის წინ ალასკის ერთ-ერთ სანაპიროსთან ახლოს 4 თვის ლომვეშაპი იპოვეს. ლომვეშაპი დაშავებული იყო და გარდა ამისა, მაშველების თქმით, დიდ სტრესსაც განიცდიდა. სტრესის მოსახსნელად ლომვეშაპს 24 საათის განმავლობაში ეხუტებოდნენ, თუმცა მისი გადარჩენა ვერ შეძლეს.

მართალია, ლომვეშაპს პოვნიდან მალევე სამედიცინო დახმარება აღმოუჩინეს, თუმცა მას სხვადასხვა ჯანმრთელობის პრობლემა აწუხებდა, მისი მდგომარეობა ნელ-ნელა გაუარესდა და ვერ გადარჩა.

ფოტო: CBS

მაშველებმა პატარა ლომვეშაპის დახმარება 24-საათიანი ჩახუტებითაც სცადეს, რადგან ამ სახეობისთვის დედასთან ახლოს ყოფნა ძალიან მნიშვნელოვანია. ამის მიზეზი კი ისაა, რომ ლომვეშაპები დაბადებიდან საშუალოდ 2 წელი დედასთან ახლოს დიდ დროს ატარებენ.

ზღვის ძუძუმწოვართა შემსწავლელი კომისიის განცხადებით, გლობალური დათბობის გამო ლომვეშაპების საარსებო პირობები გართულებულია და ალასკაში მათი რაოდენობა დღითიდღე მცირდება. ლომვეშაპები ოკეანის ყინულზე დასასვენებლად წვებიან, ტემპერატურის მატების გამო კი, ოკეანეში ყინული უფრო და უფრო სწრაფად დნება.