ინფორმაციას უფლებები საქართველო ავრცელებს.

რა მოხდა: 17 მარტს დიდ დიღომში, იოანე პეტრიწის ქუჩასთან მდებარე ნაგავსაყრელად ქცეულ ტერიტორიაზე, 12 წლის მოზარდიმ ანა იანუშაიტიტე გარდაცვლილი იპოვეს.

  • ოჯახის წევრები და ახლობლები არასრულწლოვანს 16 მარტის საღამოდან ეძებდნენ.
  • მომხდარზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

დეტალები: 5 ივლისს ადვოკატების განცხადების საფუძველზე პროკურატურამ ამ საქმეზე გამოძიება დაიწყო.

  • მათი განაცხადა, რომ 12 კომპლექსური, მათ შორის, სასამართლო ბიოლოგიური ექსპერტიზა დაინიშნა და გამოსაკვლევად გვამიდან აღებული მასალები გადაიგზავნა.
  • უწყებაში ამბობდნენ, რომ ბიოლოგიური კვლევის ჩასატარებლად ექსპერტიზის მიერ შესაბამისი წესით დალუქული ფუთები გაიხსნა, რომლებიც გვამიდან აღებული ნაცხის ნიმუშები და ანაწმენდები იყო მოთავსებული.
  • "ფუთების გახსნისას აღმოჩნდა, რომ სავარაუდოდ, შენახვის პირობების დარღვევამ საკვლევ მასალაზე ობის მაგვარი დანაშრევების წარმოშობა გამოიწვია", — ნათქვამი იყო განცხადებაში.
  • გამოძიება სსსკ-ის 342-ე მუხლის პირველი ნაწილით მიმდინარეობდა.
  • ეს მოხელის ან მასთან გათანაბრებული პირის მიერ სამსახურებრივი მოვალეობის შეუსრულებლობას, ან არაჯეროვნად შესრულებას მისდამი დაუდევაი დამოკიდებულების გამო, რამაც ფიზიკური ან იურიდიული პირის უფლების, საზოგადოების, ან სახელმწიფო ინტერესების არსებითი დარღვევა გამოიწვია.

ორგანიზაციამ დღეს განცხადება გამოაქვეყნა, სადაც ნათქვამია, რომ მტკიცებულებების დაზიანების საქმეზე 12 წლის ანის დედა დაზარალებულად ცნეს.

  • მათი ცნობით, დღეს პროკურატურა დაზარალებულს გადასცემს მტკიცებულებების დაზიანების საქმეში არსებულ მასალებს.
  • ამის შემდეგ კი უფლებები საქართველო დეტალების გასაჯაროებისას არასრულწლოვანისა და მისი ოჯახის საუკეთესო ინტერესებით იხელმძღვანელებს.
  • ორგანიზაცია მიიჩნევს, რომ უნდა დადგინდეს, თუ რა გარემოებებში მოხდა საკვანძო მტკიცებულებების შემცველი დალუქულილ პაკეტის მთლიანობის დარღვევა, რამაც გარდაცვლილის სხეულიდან აღებულ ნივთმტკიცებებზე მოშავო-მონაცრისფრო, ობისმაგვარი დანაშრევებისა და ნადებების წარმოქმნა გამოიწვია".