რა მოხდა: 17 მარტს დიდ დიღომში, იოანე პეტრიწის ქუჩასთან მდებარე ნაგავსაყრელად ქცეულ ტერიტორიაზე, 12 წლის მოზარდიმ ანა იანუშაიტიტე გარდაცვლილი იპოვეს.

  • ოჯახის წევრები და ახლობლები არასრულწლოვანს 16 მარტის საღამოდან ეძებდნენ.
  • მომხდარზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

დეტალები: პროკურატურის განცხადებით, გამოძიების ფარგლებში ჩადენილი სამსახურებრივი გულგრილობის საქმეზე გამოძიება მიმდინარეობს.

  • ამას საფუძვლად პროკურატურის საპროკურორო სამმართველოს პროკურორის მოხსენებითი ბარათი დაედო.
  • უწყების ცნობით, დგინდება, რომ ბავშვის გარდაცვალებასთან დაკავშირებული გამოძიების ფარგლებში, სისხლის სამართლის საქმეზე 12 კომპლექსული, მათ შორის, სასამართლო ბიოლოგიური ექსპერტიზა დაინიშნა და გამოსაკვლევად გვამიდან აღებული მასალები გადაიგზავნა.

პროკურატურაში ამბობენ, რომ ბიოლოგიური ექსპერტიზის კვლევის ჩასატარებლად ექსპერტის მიერ შესაბამისი წესით დალუქული ფუთები გაიხსნა, რომლებშიც მოთავსებული იყო გვამიდან აღებული ნაცხის ნიმუშები და ანაწმენდები.

  • "ფუთების გახსნისას აღმოჩნდა, რომ სავარაუდოდ, შენახვის პირობების დარღვევამ საკვლევ მასალაზე ობის მაგვარი დანაშრევების წარმოშობა გამოიწვია".
  • გამოძიება სსსკ-ის 342-ე მუხლის პირველი ნაწილით მიმდინარეობს.