პონი, რომელიც პატრონმა თვეების წინ სასიკვდილოდ გაიმეტა და ქუჩაში დატოვა, ახლა ცხენების შეჯიბრის პრიზიორია. ცხენი, სახელად ვუდი, ირლანდიის ერთ-ერთი სოფელში ტროტუარზე იპოვეს. თვითმხილველის თქმით, ცხენს დაღლილობისგან გონება ჰქონდა დაკარგული და მისი ჯანმრთელობის მდგომარეობაც მძიმე იყო. ყოფილმა პატრონმა რბოლაში მონაწილეობის შემდეგ ცხენი სასიკვდილოდ გაიმეტა და ქუჩაში დატოვა.

ვუდის პოვნის შემდეგ პოლიცია ადგილობრივ ცხოველთა დაცვის საქველმოქმედო ორგანიზაციას დაუკავშირდა. ვეტერინარების დახმარებით, ვუდის მკურნალობის კურსი ჩაუტარდა და ნელ-ნელა გამოჯანმრთელებაც დაიწყო. მოგვიანებით კი, ვუდის მზრუნველი პატრონიც მოუძებნეს.

ფოტო: Twitter

საქველმოქმედო ორგანიზაციამ პონისთვის ახალი პატრონის შერჩევა ჯერ კიდევ მკურნალობის პროცესში დაიწყო. ორგანიზაციას მალევე დაუკავშირდა 13 წლის ორიანა, რომელიც პონიზე მზრუნველობაზე თანახმა იყო. "ეზოში შევედი, პონი დავინახე და გავიფიქრე, რომ ის ნამდვილად ჩემთვის იყო", — იხსენებს ორიანა.

ორიანა თვეების განმავლობაში ზრუნავდა თავის ახალ მეგობარ პონიზე და შედეგმაც არ დააყოვნა: ვუდი სრულიად გამოჯანმრთელდა და ადგილობრივ ცხენების შეჯიბრშიც მიიღო მონაწილეობა. კონკურსში სხვადასხვა ჯიშის ცხენები მონაწილეობდნენ, ვუდიმ კი თავისი ჯიშის კატეგორიაში მე-2 ადგილი დაიკავა.