76 წლის ქალმა, რომელიც ეკვადორის საავადმყოფოში გარდაცვლილად გამოაცხადეს, ნათესავებს კუბოზე დაკაკუნებით აცნობა, რომ მკვდარი სულაც არ იყო. ყოფილი მედდა ბელა მონტოია საავადმყოფოში მას შემდეგ გადაიყვანეს, რაც სახლში გონება დაკარგა. როგორც აღმოჩნდა, ბელას გულის შეტევა ჰქონდა, მორიგე ექიმმა კი ჩათვალა, რომ ქალი უკვე გარდაცვლილი იყო.

ბელას შვილის თქმით, ამ ამბავმა ყველა შეაშინა. მან გაიხსენა, რომ დედა საავადმყოფოში უგონო მდგომარეობაში მიიყვანა, ექიმებმა კი თავიდან უთხრეს, რომ ქალი მძიმედ იყო, რამდენიმე საათში კი გარდაცვალების შესახებ აცნობეს და დოკუმენტების შევსებაც მოსთხოვეს. პოლიციამ მომხდარის შესახებ ეკვადორის საავადმყოფოში გამოძიება უკვე დაიწყო.

ოჯახმა გარდაცვლილად გამოცხადებული 76 წლის ქალი დამკრძალავ ბიუროში გადაიყვანა, მოგვიანებით კი კუბოთი სახლში წაიყვანეს. "იქ დაახლოებით 20 ადამიანი ვიყავით. მეორე დღეს, გაღვიძებიდან დაახლოებით 5 საათში, უცნაური ხმები გავიგონეთ. დედაჩემი კუბოს ხელს ურტყამდა და როცა მივუახლოვდით, დავინახეთ, რომ მძიმედ სუნთქავდა", — იხსენებს ბარბარას შვილი.

ბარბარა მონტოია ისევ საავადმყოფოში გადაიყვანეს და მას ახლა ექიმები აკვირდებიან. ეკვადორის ჯანდაცვის სამინისტროს განცხადებით, ის ექიმები უკვე დაკითხეს, რომლებმაც 76 წლის ქალი გარდაცვლილად გამოაცხადეს. ასევე შეიქმნა კომიტეტი, რომელიც განიხილავს, თუ როგორ და რა გარემოებებში გასცემს საავადმყოფო გარდაცვალების მოწმობას.