რატომ არის მნიშვნელოვანი: ღარიბაშვილმა გუშინ მორიგი საერთაშორისო ტრიბუნა ისევ ანტიდასავლური განცხადებების გასაკეთებლად გამოიყენა.

  • გლობალური უსაფრთხოების ფორუმზე მან რუსეთის უკრაინაში შეჭრის ერთ-ერთ მთავარ მიზეზად NATO-ში გაწევრიანების სურვილი დაასახელა, რასაც დასავლელი პოლიტიკოსებისა და ექსპერტების კრიტიკა მოჰყვა.
  • ღარიბაშვილის ეს განცხადება კრემლის პროპაგანდის გამეორებაა. პუტინი მუდმივად აპელირებს, თითქოს უკრაინის ალიანსში გაწევრიანება რუსეთისთვის საფრთხეა.

ორგანიზაციების განცხადებით, კრემლის პოზიციაა ის, რომ უკრაინის ტერიორიაზე რუსეთის უსამართლო შეჭრის მიზეზად, ღარიბაშვილმა NATO-ში გაწევრიანების სურვილი დაასახელა.

  • "პრემიერმინისტრს შევახსენებთ, რომ უკრაინის ნატოში გაწევრება უკრაინის ხალხის ისტორიული არჩევანია, რომელიც უკრაინის კონსტიტუციით არის გამყარებული. პრემიერს შევახსენებთ, რომ ჰელსინკის აქტი ასევე განსაზღვრავს თითოეული ქვეყნის სუვერენულ უფლებას, თავისი შეხედულებისამებრ შეუეთდეს ნებისმიერ ხელშეკრულებას ან ალიანსს".
  • სინანულს გამოთქვამენ, რომ ღარიბაშვილის გამოსვლა სრულად თანხვედრაში იყო კრემლის ნარატივთან, რომლის მიხედვითაც NATO-ს გაფართოება საფრთხეს უქმნის რუსეთს.
  • სამწუხაროს უწოდებენ იმას, რომ პრემიერმინისტრმა არც ამჯერად გამოიყენა შესაძლებლობა, ყველა შესაძლო ფორმით დაეგმო რუსეთის უსამართლო და არაპროვოცირებული თავდასხმა უკრაინაზე.

დეტალები: შეახსენებენ ღარიბაშვილს, რომ ის წარმოადგენს სახელმწიფოს, რომლის მოქალაქეებმაც 2008 წლის 5 იანავრს, პლებისციტით მხარი დაუჭირეს საქართველოს ალიანსში გაერთიანებს.

  • "აღნიშნული არჩევანი გამყარებულია საქართველოს კონსტიტუციის 78-ე მუხლით, რომლის მიხედვითაც კონსტიტუციურმა ორგანოებმა თავიანთი უფლებამოსილების ფარგლებში ყველა ზომა უნდა მიიღონ ევროპის კავშირსა და ნატოში საქართველოს სრული ინტეგრაციის უზრუნველსაყოფად", — ამბობენ ისინი.

ხელმომწერები არიან: ადამიანის უფლებათა კვლევის ცენტრი, საერთაშორისო გამჭვირვალობა — საქართველო, საქართველოს დემოკრატიული ინიციატივა, უფლებები საქართველო.

  • მათი სრული სია შეგიძლიათ ნახოთ აქ.