სპეციალური საგამოძიებო სამსახურის პრესსამსახური ეხმაურება სოციალურ ქსელში გავრცელებულ ინფორმაციას და აცხადებს, რომ სპეციალურ საგამოძიებო სამსახურს მოქალაქე ნატალი ჭანიშვილთან არ განუხორციელებია არცერთი ზარი.

"­სამსახურის დისკრედიტაციის და საზოგადოების შეცდომაში შეყვანის მიზნით, კიდევ ერთი ცრუ ინფორმაცია გავრცელდა.

სპეციალურ საგამოძიებო სამსახურს მოქალაქე ნატალი ჭანიშვილთან არ განუხორციელებია არცერთი ზარი. აღნიშნულ პიროვნებასთან საგამოძიებო სამსახურს კომუნიკაცია არ ჰქონია.

კიდევ ერთხელ, მედიასაშუალებას მოვუწოდებთ გადაუმოწმებელი და ცრუ ინფორმაციის გავრცელებამდე შესაბამისი კითხვებით მიმართონ სპეციალურ საგამოძიებო სამსახურს", — წერს ანი წიკლაური სოციალურ ქსელში.

სოციალურ ქსელში მოქალაქემ დაწერა, რომ სპეციალური საგამოძიებო სამსახურიდან დაურეკეს: "ცივი იარაღი გქონდა და ათამაშებდი, ასევე, პოლიციელებს შეურაცხყოფას აყენებდიო"

"სპეციალური საგამოძიებო სამსახურიდან დამირეკეს, ცივი იარაღი გქონდა და ათამაშებდიო, ასევე, პოლიციელებს შეურაცხყოფას აყენებდიო, მეორე ჯანდაბას, მაგრამ პირველი ისეთი ბრალდებაა და ისეთი მუხლი წამიყენეს, პირდაპირ დავეჭირე, ასე თუ პრობლემატურები,რაღას მიგონებდნენ. შემდეგ დამირეკეს, მუხლი შეცდომით გითხარითო. მესამეჯერ მითხრეს, სახის იდენტიფიცირება ახლა მოხდა და აგვერიე, მომავალ შეხვედრამდეო. ანუუუუ, ეგრევე მე დამაცხრნენ, გარკვევის გარეშე. მოდი, ჯერ თქვენ ჩამოყალიბდით და საბოლოოდ, რა გინდათ, გამაგებინეთ. ასე აპირებენ ჩემი და ჩემი მეგობრების დაშინებას, ტყუილი ბრალდებით.. შეშინებული ნატალი ჯერ არავის უნახავს" — წერდა ნატალი ჭანიშვილი

მოგვიანებით ნატალი ჭანიშვილის პოსტი წაიშალა.

ასევე იხილეთ: