EU-ს რეზოლუციები აჩვენებს რამდენად არასერიოზულ ხალხთან გვაქვს საქმე, — ამის შესახებ პარლამენტის თავმჯდომარემ, შალვა პაპუაშვილმა, ბრიფინგზე ევროპარლამენტის რეზოლუციის ერთ-ერთ პროექტზე კომენტირებისას განაცხადა, რომელიც სანქციების დაწესებას ითხოვს ბიძინა ივანიშვილის გარდა, ირაკლი კობახიძისთვის და კახა კალაძისთვისაც.

შალვა პაპუაშვილმა ჟურნალისტს სარკაზმით უპასუხა, რომ "ნაბიჯ-ნაბიჯ მიჰყვებიან და არასერიოზულ ხალხის სამივე რეზოლუციას შეასრულებენ".

"ჩვენ ნაბიჯ-ნაბიჯ მივყვებით, ჯერ ევროპარლამენტის იმ რეზოლუციას შევასრულებთ, რომლითაც მიხეილ სააკაშვილის გათავისუფლება მოგვთხოვეს, შემდეგ შევასრულებთ ევროპარლამენტის იმ რეზოლუციას, რომელიც რუსეთს სანქციების დაწესებას ითხოვს, ამით იქნებ ჩვენი ქვეყანა დავანგრიოთ და ხალხი დავაზიანოთ, შემდეგ ამ რეზოლუციასაც თუ მიიღებენ, დავფიქრდებით, რომ ეს მესამე რეზოლუციას შევასრულო. ეს ხომ აჩვენებს რამდენად არასერიოზულ ხალხთან გვაქვს საქმე", — განაცხადა პაპუაშვილმა.