დღეს, საქალაქო სასამართლოსთან აქცია "უშენოდ ვერ გამოვა" გაიმართება. აქცია საქალაქო სასამართლოსთან ომარ ოკრიბელაშვილისა და საბა მეფარიშვილის პროცესის პარალელურად გაიმართება

"ომარ ოკრიბელაშვილსა და საბა მეფარიშვილს 14 მაისს, "რუსული კანონის" წინააღმდეგ აქციაზე, რკინის ჯებირის ჯგუფურად დაზიანებას ედავებიან. ჯებირის მეპატრონე შინაგან საქმეთა სამინისტროა. ზიანი, რომელიც უწყებას მიადგა, ექსპერტიზის დასკვნის თანახმად, 400 ლარია. ამ ყველაფრისთვის მათ 3-6 წლამდე პატიმრობა ემუქრებათ.

ეს არის განსხვავებული აზრისა და მშვიდობიანი პროტესტის მონაწილეების დაშინების ღია მცდელობა. საბას და ომარს სჯიან იმიტომ, რომ ხვალ შენ შეგეშინდეს პროტესტის დაფიქსირების.

ასეთ ბრძოლაში არავინ უნდა დარჩეს მარტო! საბა და ომარიც გამოვლენ, ოღონდ, უშენოდ ვერა! 22 ნოემბერს, 16:00-ზე, საქალაქო სასამართლოს ეზოში, უშენოდ ვერ გამოვა!" — ნათქვამია აქციის ორგანიზატორების განცხადებაში.

შეგახსენებთ, ომარ ოკრიბელაშვილისა და საბა მეფარიშვილის "რუსული კანონის" საწინააღმდეგო აქციების დროს დააკავეს. მათ პროკურატურა პარლამენტის ჯებირის დაზიანებას ედავება. ზიანი, რომელიც უწყებას მიადგა, ექსპერტიზის დასკვნით 400 ლარია.

ბრალდებულებს 3-6 წლამდე პატიმრობა ემუქრებათ.

ასევე იხილეთ: