შაბათს, 15:00 საათზე ვიკრიბებით კვლავ სახელმწიფო უნივერსიტეტის მიმდებარე ტერიტორიაზე, — ამის შესახებ კოალიცია ცვლილებებისთვის ერთ-ერთმა ლიდერმა, ნიკა მელიამ მთავარ არხის ეთერში განაცხადა. მისი თქმით, შაბათს გააკეთებს ოპოზიცია განცხადებას.

"შაბათს, 15:00 საათზე ვიკრიბებით კვლავ სახელმწიფო უნივერსიტეტის მიმდებარე ტერიტორიაზე და ბუნებრივია, იქ გავაკეთებთ შესაბამის განცხადებებს და ამას მოისმენს საზოგადოება და არამხოლოდ განცხადებებს.

ბევრი რაღაც წინასწარ არის ნათქვამი, ბევრი რამ - არ უნდა ვთქვათ წინასწარ. არა იმიტომ, რომ არ შეგვიძლია, თუმცა, პროტესტი იქნება, ეს არ ნიშნავს, რომ ხვალ არაფერი არ იქნება. ჩვენ ჩავთვალეთ საჭიროდ, ვთქვათ, რომ 23 ნოემბერს თსუ-სთან ვიკრიბებით კვლავ დღის სამ საათზე, არის არასამუშაო დღე, 23 ნოემბერია, გიორგობაა მართალია, მაგრამ ქვეყნის ინტერესი გვეძახის ყველას გარეთ, სამ საათზე თსუ-სთან, უნივერსიტეტის მიმდებარე ტერიტორიაზე", — განაცხადა ნიკა მელიამ.