"შაბათს გვექნება დიდი აქცია. რას ვიზამთ შაბათს, რომ შევიკრიბებით იქ გეტყვით", — ამის შესახებ ფორმულას ეთერში ერთიანობა ნაციონალური მოძრაობის ლიდერმა გიორგი ვაშაძემ განაცხადა.

მისი თქმით, ოპოზიცია წინასწარ არ აცხადებს რა გეგმები აქვთ შაბათის აქციასთან დაკავშირებით, რადგან „თვითმარქვია ხელისუფლებას არ აძლევენ წინასწარ მომზადების შესაძლებლობას“.

"შაბათს გვექნება დიდი აქცია. რომელსაც დავაანონსებთ. რას ვიზამთ შაბათს, რომ შევიკრიბებით იქ გეტყვით. წინასწარ არ ვაცხადებთ რა ნაბიჯს ვდგამთ იმ დღეს, რადგან თვითმარქვია ხელისუფლებას არ ვაძლევთ წინასწარ მომზადების შესაძლებლობას. შაბათს კვლავ უნივერსიტეტის, პირველი კორპუსის ტერიტორიაზე შევიკრიბებით და იქ გეტყვით ზუსტად რას ვაპირებთ, ვემზადებით 24-25-ისთვის, ამაზე გვქონდა შეხვედრები. ეს არის ძალიან მნიშვნელოვანი დღე და რაც შეიძლება მეტმა უნდა მოვახდინოთ მობილიზება ამ დღისთვის", — გიორგი ვაშაძე გაყალბებულ არჩევნებსა და ოპოზიციის სამომავლო გეგმებზე.