ქართული ოცნების ერთ-ერთი ლიდერი გია ვოლსკი ამტკიცებს, რომ ოპოზიცია პარლამენტში მაინც შევა. მმართველი გუნდის წევრი ირწმუნება, რომ ოპონენტები უკვე კომიკურ მდგომარეობაში არიან, რადგან ყველანაირი რესურსისგან არიან დაცლილები და ახლა მათი მიზანი სწორედ პარლამენტში შესვლა იქნება.

"ამოცანა მათი, რასაკვირველია, უახლოეს პერიოდში იქნება ის, რომ პარლამენტში შემოვიდნენ, ვინაიდან საერთოდ დაეცალათ რესურსი და უკვე კომიკურ მდგომარეობაში ჩავარდნენ. მსოფლიოში იცვლება პოლიტიკური კონიუნქტურა, ბევრი რამ შეიცვლება მომავალში და ადამიანები, რომლებიც ორიენტირებულები არიან დესტაბილიზაციაზე, ვერ გაძლებენ ისე, რომ დესტაბილიზაციის გეგმა ამ ფორმატში მაინც არ გადმოიტანონ" – ამბობს ვოლსკი.

ცნობისთვის, მე-11 მოწვევის პარლამენტი 25 ნოემბერს შეიკრიბება. ოპოზიციის თქმით, ისინი პარლამენტში შესვლას არ აპირებენ.