ორანგუტანი, რომელიც ლუისვილის ზოოპარკში ცხოვრობს, ინტერნეტის ვარსკვლავად იქცა. ორანგუტანმა ზოოპარკში მისულ დამთვალიერებლებს შორის ახალშობილი დაინახა და მის მშობლებს ხელით მიანიშნა, რომ პატარას ახლოს ნახვა სურდა.

სოციალურ ქსელებში გავრცელებულ ვიდეოში ჩანს, რომ ორანგუტანი ჟესტიკულაციით ცდილობს, 3 თვის პატარა მასთან უფრო ახლოს მიიყვანონ. ახალშობილის ახლოს ნახვით გახარებული ორანგუტანი ვიდეოს ბოლოს იღიმის.

@betch

“i would like to see the baby” (via: @kaylajaylenn_)

♬ original sound - Betch

ახალშობილის დედის თქმით, გალიასთან ბავშვის მეორედ ახლოს მიყვანისას ორანგუტანმა მინას აკოცა, როცა პატარა ისევ დაინახა. უნდა აღინიშნოს, რომ ეს პირველი შემთხვევა არ არის, როცა ორანგუტანი, სახელად ამბერი, პატარა ბავშვის ახლოს ნახვით დაინტერესდა. ტიკტოკზე გავრცელებულ კიდევ ერთ ვიდეოში ჩანს, რომ ორანგუტანს მისგან შორს მყოფი ახალშობილის ახლოს ნახვა სურს, შემდეგ კი მას უცინის.

ამბერი 1987 წელს მინესოტას შტატში დაიბადა და ლუისვილის ზოოპარკში 1996 წელს მიიყვანეს. ორანგუტანი ახლა 35 წლისაა და ზოოპარკის თანამშრომლების თქმით, ძალიან ცნობისმოყვარეა.