ქართული ოცნების ერთ-ერთმა წევრმა ბექა ნაცვლიშვილმა, იურიდიული კომიტეტის სხდომაზე, სადაც კონსტიტუციური ცვლილებების პროექტს მე-2 მოსმენით განიხილავენ, საკითხი დასვა, თუ რამდენად დემოკრატიულია ის, რომ ევროატლანტიკური კურსი კონსტიტუციაში ჩაიწეროს.

კერძოდ, ნაცვლიშვილი მიიჩნევს, რომ თუკი რომელიმე პოლიტიკური ძალა უმრავლესობაში მოვა, იგი სხვა საგარეო კურსს ვერ წარმართავს. მან ეს დებულება 94-ე მუხლის ამოღებას შეადარა და თქვა, რომ იგივეა, როცა კონსტიტუციაში იწერება გადასახადების გაზრდის აკრძალვის შესახებ:

"ჩვენ რომ ვითხოვდით 94-ე მუხლის ამოღებას, ეს ეკონომიკურად არამხოლოდ დაუსაბუთებელია, არამედ, კონსტიტუციის სულისკვეთებას, როგორც დოკუმენტის, ეწინააღმდეგება. შეიძლება მოვიდეს რომელიმე პოლიტიკური ძალა, მიიღოს მონაწილეობა არჩევნებში, არ მოიპოვოს საკონსტიტუციო უმრავლესობა, მაგრამ მოიპოვოს უმრავლესობა. რადგან კონსტიტუციაში წერია, რომ გადასახადების გაზრდა არ შეიძლება, იმიტომ ვერ განახორციელოს ის რა პოლიტიკის განხორციელებაც უნდა. დაახლოებით იგივეა, რომ გაიმარჯვოს რომელიმე პოლიტიკურმა ძალამ, რომელსაც ან ნეიტრალიტეტი უნდა ან რაღაც ფორმა უნდა საგარეო პოლიტიკის განხორციელების. როგორ უნდა განახორციელოს ეს პოლიტიკა თუ ამას ჩვენ კონსტიტუციაში ჩავწერთ? ვინმე უბადრუკი ოპოზიციის წარმომადგენელი თუ იტყვის, რომ მე რაღაც პრორუსული განწყობებით გამოვირჩევი, მე მგონი არავინ არ იტყვის, მაგრამ ამაზე არ არის, წმინდა კონსტიტუციის პრინციპს, როგორ შეიძლება საგარეო პოლიტიკური კურსი ავუსახოთ, ე.ი. ვრიცხავთ ყველა იმ პარტიას, რომელიც ამ პრინციპს არ ექვემდებარება და არ უჭერს მხარს, რამდენად დემოკრატიულია ეს?"