ქართული ოცნება მთავრობის დამტკიცებას 28 ნოემბერს გეგმავს, — ამის შესახებ პარლამენტის თავმჯდომარემ, შალვა პაპუაშვილმა განაცხადა.

მისი თქმით, დღეს და ხვალ მთავრობის შემადგენლობის და პროგრამის განხილვა კომიტეტებში გაიმართება.

"წარმოდგენილია მთავრობის შემადგენლობა. განხილვები იქნება დღეს და ხვალ კომიტეტებში. მთავრობის შემადგენლობის და პროგრამის განხილვა ხუთშაბათს იქნება უკვე ფრაქციის სხდომაზე და შემდეგ, პლენარულ სხდომაზე და დამტკიცება საქართველოს მთავრობის. ხუთშაბათს დავამტკიცებთ მთავრობას", — განაცხადა პაპუაშვილმა.

დღეს პარლამენტში ელოდებიან ძალოვანი უწყების მაღალი თანამდებობის პირებს და საგარეო საქმეთა მინისტრობის კანდიდატს, მაკა ბოჭორიშვილს.

მთავრობისთვის ნდობის გამოცხადებას 76 დეპუტატის მხარდაჭერა სჭირდება.