შეფასებისა და გამოცდების ეროვნულმა ცენტრმა 2025 წლის ერთიანი ეროვნული გამოცდების პროგრამა წარმოადგინა, სადაც, 2024 წლის პროგრამასთან შედარებით, ცვლილებებია შესული.

კერძოდ, ქართული ენისა და ლიტერატურის საგამოცდო პროგრამიდან მთლიანად მოღებულია პაოლო იაშვილის პოეზია, პოლიკარპე კაკაბაძის ყვარყვარე თუთაბერი, ალექსანდრე ყაზბეგის ხევისბერი გოჩა, ვაჟა ფშაველას პოემა ბახტრიონი და პუბლიცისტური წერილი კოსმოპოლიტიზმი და პატრიოტიზმი, ილია ჭავჭავაძის ბედნიერი ერი, ჩემო კალამო, პასუხის პასუხი, გრიგოლ ორბელიანის პასუხი შვილთა და სხვა პატრიოტული ხასიათის ლექსები, პოემები და მოთხრობები.

დეტალური ინფორმაციისთვის ერთმანეთს შევადარეთ შეფასებისა და გამოცდების ეროვნული ცენტრის 2024 და 2025 წლების ერთიანი ეროვნული გამოცდების პროგრამები.

2025 წლის პროგრამიდან ამოღებულია შემდეგი ნაწარმოებები:

ალექსანდრე ჭავჭავაძის — გოგჩა;

გრიგოლ ორბელიანის — საღამო გამოსალმებისა და პასუხი შვილთა;

ნიკოლოზ ბარათაშვილის — არ უკიჟინო სატრფოო, ცისა ფერს, ხმა იდუმალი, სულო ბოროტო, ვპოვე ტაძარი;

ილია ჭავჭავაძის — ბედნიერი ერი, ჩემო კალამო, პასუხის პასუხი, პოემები: განდეგილი, აჩრდილი;

აკაკი წერეთლის — აღმართ-აღმართ, სულიკო, ქებათა ქება;

ვაჟა-ფშაველას — რამ შემქმნა ადამიანად, იას უთხარით ტურფასო; პოემა ბახტრიონი, პუბლიცისტური წერილი კოსმოპოლიტიზმი და პატრიოტიზმი;

ალექსანდრე ყაზბეგის ხევისბერი გოჩა

პოლიკარპე კაკაბაძის ყვარყვარე თუთაბერი;

პაოლო იაშვილის პოეზია;

გიორგი ლეონიძის ნინოწმინდის ღამე.