ულტრამემარჯვენე, პრორუსმა კანდიდატმა რუმინეთის საპრეზიდენტო არჩევნებში მოულოდნელად პირველი ადგილი დაიკავა.

ხმათა 99%-ის დათვლის შემდეგ, ულტრანაციონალისტმა კალინ გეორგესკუმ ამომრჩევლის 23%-იანი მხარდაჭერა მოიპოვა. გეორგესკუსთან ყველაზე ახლოს 19,14%-ით მემარჯვენე-ცენტრისტი კანდიდატი ელენა ლასკონია რუმინეთის გადარჩენის კავშირიდან. მე-3 ადგილზე სოციალ-დემოკრატი პოპულისტი პრემიერმინისტრი მარსელ ჩოლაკუ გავიდა, რომელიც არჩევნებამდე ფავორიტად მიიჩნეოდა.

გეორგესკუს შედეგი განსაკუთრებით მოულოდნელია იმის გათვალისწინებით, რომ მას არ ჰყავს პარტია და მისი კამპანია სრულად TikTok პლატფორმაზე წარიმართა. მეორე ტურში გეორგესკუს მოწინააღმდეგე სულ 2000-მა ხმამ გადაწყვიტა. მე-2 ტური 8 დეკემბერს გაიმართება.

კოლაჩუმ 25 ნოემბერს სოციალ-დემოკრატიული პარტიის ლიდერის თანამდებობა დატოვა.

კალინ გეორგესკუს წინასაარჩევნო კვლევებით 5%-იან მხარდაჭერას უწინასწარმეტყველებდნენ. მისი საარჩევნო კამპანიის სლოგანს — "აღვადგინოთ რუმინელი ერის ღირსება", რუსული მედია გულთბილად შეხვდა.

წარსულში, გეორგესკუ ულტრამემარჯვენე პარტია რუმინელთა ერთიანობის ალიანსიდან (AUR) გარიცხეს რადიკალიზმის გამო, რადგან მე-2 მსოფლიო ომის რუმინული ფაშისტური მოძრაობის, რკინის გვარდიის, ლიდერები საჯაროდ შეაქო.