მამუკა მდინარაძის განცხადებით, ქართული ოცნების თავმჯდომარე ირაკლი ღარიბაშვილი საქართველოს პრეზიდენტობის კანდიდატი არ იქნება და გუნდი სხვა პირზე შეჯერდა.

მისივე თქმით, პრეზიდენტობის კანდიდატად არც საქართველოს პირველი პრეზიდენტის შვილი, კონსტანტინე გამსახურდია განიხილება.

"[ირაკლი ღარიბაშვილი] კარგი პრეზიდენტი იქნება, თუ ის იქნება, მაგრამ არ იქნება, იმიტომ რომ გუნდი სხვაზე ჯერდება," — განაცხადა მდინარაძემ.

ცნობისთვის, მთავარმა არხმა გაავრცელა ინფორმაცია, რომ „ქართული ოცნება“ პრეზიდენტობის კანდიდატად ირაკლი ღარიბაშვილსა და კონსტანტინე გამსახურდიას განიხილავს.