რატომ არის მნიშვნელოვანი: WP-ის ცნობით, ევგენი პრიგოჟინმა თქვა, რომ უკრაინის სამხედროებს ეტყვის, სად უნდა შეუტიონ რუს ჯარებს, თუ ისინი უკან დაიხევენ ბახმუტიდან.

  • ინფრომაცია Discord-ზე გაჟონილი საიდუმლო დოკუმენტების ნაწილია.
  • რამდენიმე თვიანი სასტიკი ბრძოლების ფონზე, ვაგნერის დაქირავებულები ბახმუტში დიდ ზარალს განიცდიან.
  • პრიგოჟინი საჯაროდ დაუპირისპირდა რუს სამხედრო მეთაურებს, რომლებმაც მისი დაჯგუფების სათანადო სამხედრო აღჭურვა და მომარაგება ვერ შეძლეს, ჯგუფის, რომელიც სასიცოცხლო მნიშვნელობის მხარდაჭერას უწევდა მოსკოვის საომარ ძალისხმევას.

დეტალები: პრიგოჟინმა ინფორმაციის მიწოდება შესთავაზა თავის კონტაქტებს უკრაინის სამხედრო დაზვერვის დირექტორატში, რომლებთანაც იგი ომის დროს საიდუმლო კომუნიკაციას აწარმოებდა.

  • გაჟონილ დოკუმენტებში არ კონკრეტდება, თუ რუსული ჯარების რომელი პოზიციების გამჟღავნება განიზრახა პრიგოჟინმა.
  • ორმა უკრაინელმა ოფიციალურმა პირმა დაადასტურა, რომ პრიგოჟინი რამდენჯერმე ესაუბრა უკრაინის დაზვერვის დირექტორატს, რომელიც ცნობილია როგორც HUR.
  • ერთ-ერთმა ოფიციალურმა პირმა თქვა, რომ პრიგოჟინმა ბახმუტთან დაკავშირებით შეთავაზება არაერთხელ გააჟღერა, მაგრამ კიევმა უარყო იგი, რადგან ოფიციალური პირები არ ენდობიან პრიგოჟინს და ფიქრობდნენ, რომ მისი წინადადებები შეიძლება არაკეთილსინდისიერი ყოფილიყო.
  • The Washington Post-თან ინტერვიუში უკრაინის პრეზიდენტი ვოლოდიმირ ზელენსკი არ ადასტურებს პრიგოჟინთან კონტაქტებს.
  • "ეს არის [სამხედრო] დაზვერვის საკითხი", —თქვა მან. უკრაინის ლიდერმა ასევე გააპროტესტა საიდუმლო ინფორმაციის საჯაროდ გამოქვეყნება, და დასძინა, რომ გაჟონვამ რუსეთს მოუტანა სარგებელი.