ინფორმაციას პოლონეთის თავდაცვის სამინისტრო ავრცელებს.

რა მოხდა: უწყების ცნობით, უცნობი ობიექტი, რომელიც პოლონეთის საჰაერო სივრცეში აღმოსავლეთიდან შევიდა, სავარაუდოდ, სადამკვირვებლო ბუშტია.

  • სამინისტროს განცხადებით, ობიექტი ქვეყნის ფრენების მართვის ცენტრმა დააფიქსირა.
  • რადარის კონტაქტი ობიექტთან დაიკარგა რიპინთან, ვარშავიდან 143 კილომეტრში ჩრდილო-დასავლეთით.
  • პოლონეთის შეიარაღებული ძალების ოპერატიული სარდლობის პრეს-ოფიცერმა განაცხდა, რომ ობიექტის დასაჭერად ჰაერში ორი MiG-29 და შემდეგ F-16 გაიგზავნა.

ომი უკრაინაში პოლონეთის საზღვართან მიმდინარეობს, რაც ქვეყანა განსაკუთრებულ რისკის ზონაში ამყოფებს.

  • დღეს გავრცელებული ინფორმაცია მოჰყვა ორ სხვა ცნობილ შეჭრას პოლონეთის საჰაერო სივრცეში მას შემდეგ, რაც რუსეთმა დაიწყო სრულმასშტაბიანი შეჭრა უკრაინაში.
  • ნოემბერში აღმოსავლეთ პოლონეთში რაკეტის ჩამოვარდნისას ორი პოლონელი დაიღუპა.
  • პოლონეთის ტერიტორიული თავდაცვის ძალების სპიკერის განცხადებით, კვლავ მიმდინარეობს ობიექტის ძებნა და სამძებრო ჯგუფი შედგება "დაახლოებით ათი ჯარისკაცისგან".