ამერიკელი ოფიციალური პირების ცნობით, G7 სამიტის ძირითადი თემა ჩინეთის ეკონომიკური გაძლიერება და არსებული საფრთხეები იქნება.

რატომ არის მნიშვნელოვანი: G7, რომელიც ასევე მოიცავს კანადას, საფრანგეთს, გერმანიას, იტალიას, იაპონიას და გაერთიანებულ სამეფოს, მჭიდროდ არის დაკავშირებული ჩინეთთან, მსოფლიოს უდიდეს ექსპორტიორთან და საკვანძო ბაზართან შვიდი ქვეყნის მრავალი კომპანიისთვის.

  • ანალიტიკოსების შეფასებით, G7-ის შეხვედრა იქნება ტესტი იმისა, თუ რამდენად შეუძლიათ წევრებს შეთანხმდნენ საერთო მიდგომაზე ჩინეთის, სიდიდით მსოფლიოში მეორე ეკონომიკის მიმართ.
  • აშშ-ის პრეზიდენტმა, ჯო ბაიდენმა ჩინეთთან ურთიერთობა მისი საგარეო პოლიტიკის ეპიცენტრში მოაქცია. აშშ ცდილობს ჩინეთთან დაძაბული და კონკურენტული ურთიერთობა ღია კონფლიქტში არ გადაიზარდოს.
  • გასულ თვეში, ჩინეთმა G7-ის საგარეო საქმეთა მინისტრების განცხადებას, რომელიც მსგავს თემებს, ეხებოდა ჩინეთის მიმართ ამპარტავნობით და ცრურწმენებით აღსავსე" უწოდა და საჩივრები შეიტანა წლევანდელ G7-ის მასპინძელ იაპონიაში.

დეტალები: მსოფლიო ლიდერები 19-21 მაისს ჰიროშიმაში, იაპონიის სამიტის დროს საერთო განცხადებას გამოაქვეყნებენ.

  • მსოფლიოს შვიდი ყველაზე განვითარებული ეკონომიკა ერთად იმუშავებს, რათა წინააღმდეგობა გაუწიონ ჩინეთის ეკონომიკურ იძულებას.
  • მოსალოდნელია, რომ განცხადებები უფრო შორს წავიდეს, ვიდრე G7-ის წინა გზავნილები.
  • "ჩვენ არ ვართ შეერთებული შტატებისა და ჩინეთის ეკონომიკის განცალკევების მომხრე, ჩვენ ვართ რისკების მოშორების მომხრე, ჩვენ ვართ დივერსიფიკაციისკენ", — თქვა სამიტის შესახებ ამერიკელმა ოფიციალურმა წარმომადგენელმა.

პოლიტიკის შემუშავება ხდება ნაწილობრივ იმისთვის, რომ ხელი შეეშალოს ჩინეთის სამხედრო წვდომას ინსტრუმენტებზე, რომლებიც ისინი ტექნოლოგიური უპირატესობის მოსაპოვებლად იყენებენ.

  • იაპონიაში G7-ის ფინანსური შეხვედრისთვის მოგზაურობისას, აშშ-ის ხაზინის მდივანმა, ჯანეტ იელენმა ხუთშაბათს განაცხადა, რომ ჩინეთმა აშკარად გამოიყენა ეკონომიკური იძულება ავსტრალიასთან და ლიტვასთან.
  • "რა თქმა უნდა, G7-ის თითოეული წევრი გარკვეულწილად აპირებს საკუთარი გზის გაკვალვას ჩინეთთან მიმართებაში, მაგრამ ასევე არსებობს გარკვეული პრინციპები, რომლებიც აერთიანებს G7-ს მიდგომას ჩინეთის მიმართ", — განაცხადა ამერიკელმა ოფიციალურმა წარმომადგენელმა.