გავლენიანი ამერიკული სააგენტო The Hollywood Reporter ყოველწლიურად აქვეყნებს შოუბიზნესის ყველაზე გავლენიანი ადამიანების სიას.

სიაში ხვდებიან კინოს, მუსიკის, ტელევიზიისა და თეატრის ყველაზე გამოჩენილი სახეები, ის ადამიანები, რომლებმაც მთელი წლის განმავლობაში გართობის ინდუსტრიაში ყველაზე დიდი გავლენა მოახდინეს.

წელს, ამ სიაში მოხვდნენ, მსახიობი რიზ უიზერსპუნი, რომელმაც წლის ერთ-ერთ გახმაურებულ სერიალში დიდი პატარა ტყუილები მთავარი როლი შეასრულა, ასევე Moonlight-ის რეჟისორი ბარი ჯენკინსი და წლის ერთ-ერთი ყველაზე გახმაურებული ფილმის Wonder Woman-ის შემქმნელი პეტი ჯენკინსი.

სიაში ასევე მოხვდა ლა ლა ლენდის რეჟისორი დემიენ შაზელი, ლეგენდარული მსახიობი მერილ სტრიპი და რეჟისორი ქრისტოფერ ნოლანი.

რაც შეეხებათ ტელევიზიას, ამ შემთხვევაში The Hollywood Reporter-მა გართობის ინდუსტრიის ყველაზე გავლენიან ადამიანებად ტელეწამყვანი ელენ დეჯენერესი და ოპრა უინფრი დაასახელა, სიის გარეთ არ დარჩენილა არც გრეის ანატომიის შემქმნელი ლეგენდარული სცენარისტი შონდა რაიმსი.

ამავე ჩამონათვალში ვიხილავთ მსახიობებს ჯენიფერ ლოურენსსა და ლეონარდო დიკაპრიოს, სიის სათავეში კი ძირითადად სხვადასხვა კინოკოპანიების პროდიუსერები და მფლობელები აღმოჩნდნენ.