ინფორმაციას უფლებადამცველი ორგანიზაცია, საფარი ავრცელებს.

რატომ არის მნიშვნელოვანი: შემთხვევა 2022 წლის სექტემბერში მოხდა. ექსპერტიზამ დაადასტურა, რომ არაფხიზელ მდგომარეობაში მყოფი ქალი გაუპატიურების მსხვერპლი გახდა.

  • იურისტი განმარტავს, რომ ქალს არ შეეძლო გაეცა თანხმობა, რომელიც მისი ნების რეალური გამომხატველი იქნებოდა, სწორედ ამიტომ მომხდარი ჩაითვალა გაუპატიურებად, დაზარალებულის უმწეობის გამოყენებით.

დეტალები: გადაწყვეტილება თბილისის საქალაქო სასამართლომ 25 აპრილს გამოაცხადა.

  • საფარის განცხადებით, ვიდეოჩანაწერების გარდა, საქმის მასალებშია მოწმეთა ჩვენებები, ტაქსის კომპანიის აპლიკაციიდან ამოღებული მარშრუტი, სატელეფონო ზარები და შეტყობინებები.
  • მათივე ინფორმაციით, ასევე, ამოღებულია შემთხვევის შემდეგ ქალსა და ტაქსის მძღოლს შორის მიმოწერა, სადაც კაცი ადასტურებს, რომ ქალი მთელი ღამის განმავლობაში მასთან ერთად, ერთ-ერთ ავტოსადგომზე იმყოფებოდა.