ინფორმაციას რუსული პროპაგანდისტული მედია TASS დაწესებულების ხელმძღვანელზე დაყრდნობით ავრცელებს.

რატომ არის მნიშვნელოვანი: გავრცელებული ინფორმაციით, კვიპროსის დედაქალაქ ნიქოზიაში, რუსეთის მეცნიერებისა და კულტურის ცენტრში ხანძარი მას შემდეგ გაჩნდა, რაც შენობაში მოლოტოვის კოქტეილი ისროლეს.

  • ხანძრის გამომწვევი მიზეზი ჯერჯერობით უცნობია, თუმცა, საგულისხმოა, რომ რუსეთის უკრაინაში შეჭრის შემდეგ ადამიანები რუსული პოლიტიკის მიმართ პროტესტს სხვადასხვა ფორმით გამოხატავენ.

დეტალები: ინტერნეტში გამოქვეყნებულ ვიდეოებში ჩანს, რომ კულტურის ცენტრის შენობიდან კვამლის მაღალი ნაკადი ამოდის.

  • "დაახლოებით ღამის 13:30-ზე ორი აფეთქება გავიგეთ. თავიდან ვერაფერს დავუკავშირდით, მაგრამ შემდეგ შევატყვეთ, რომ ჩვენს შენობას ცეცხლი გაუჩნდა... თვითმხილველების თქმით, შენობაში სავარაუდოდ რაღაც ჩააგდეს", — ნათქვამია ცენტრის გავრცელებულ განცხადებაში.