რატომ არის მნიშვნელოვანი: სუდანში ჯარსა და გასამხედროებულ ძალებს (RSF) შორის შეტაკებებია.

  • დაძაბულობა მას შემდეგ გამწვავდა, რაც მთავრობამ და RSF-მ სამოქალაქო მმართველობაზე გადასვლის შეთანხმებას ვერ მიაღწიეს.
  • ბოლო მონაცემებით, დაღუპულია 300 ადამიანი, მათ შორის, მშვიდობიანი მოქალაქეები.

დეტალები: როგორც ცნობილია, სუდანში ამ დრომდე საქართველოს 35-მდე მოქალაქე რჩება, თუმცა კონკრეტულ ციფრს საგარეო სამინისტროში არ აკონკრეტებენ.

  • დაპირისპირებულ ზონაში არიან ქართული ავიაკომპანიების, ჯეო სქაისა და მაი ვეის თანამშრომლები.
  • დღეს საგარეო საქმეთა მინისტრის მოადგილემ, ალექსანდრე ხვთისიაშვილმა განაცხადა, რომ ამ მომენტისთვის ვერცერთმა ქვეყანამ ვერ მოახერხა მოქალაქეების გამოყვანა, რადგან საჰაერო სივრცე სამოქალაქო თვითმფრინავებისთვის დახურულია.

გარდა ამისა, მისივე თქმით, ქვეყნები მოქალაქეებს მოუწოდებენ, არ დატოვონ იმ შენობებში, სადაც იმყოფებიან.

  • როგორც ხვთისიაშვილი აღნიშნავს, ქალაქში გადაადგილება გართულებულია, ამიტომ, არსებობს სურსათისა და წყლის ნაკლებობა.
  • მინისტრის მოადგილე ამბობს, რომ მუდმივ კოორდინაციაში არიან სუდანში მყოფ საქართველოს მოქალაქეებთან, ძირითადად, კი მათთან, ვინც დედაქალაქ ხარტუმში იმყოფება.
  • "ვაგრძელებთ მუშაობას ჩვენს პარტნიორებთან და პირველივე შესაძლებლობა როგორც კი გაჩნდება, ჩვენ ვიმოქმედებთ ამ შესაძლებლობების ფარგლებში, რომ ჩვენი მოქალაქეების ევაკუაცია მოვახდინოთ", — აცხადებს ის.