ევროსაბჭოს პრეზიდენტი, შარლ მიშელი გუშინ მოლდოვის პრეზიდენტს შეხვდა.

რატომ არის მნიშვნელოვანი: მხარეებმა ერთობლივ პრესკონფერენციაზე განიხილეს მოლდოვის ევროკავშირში გაწევრიანების საკითხი.

  • შარლ მიშელმა აღნიშნა, რომ საქართველოს, მოლდოვას და უკრაინის ევროკავშირში გაწევრიანებასთან დაკავშირებით მოლაპარაკებების დაწყებაზე ევროკავშირი გადაწყვეტილებას წლის ბოლოს მიიღებს.

დეტალები: შარლ მიშელის განცხადებით, მომდევნო რამდენიმე თვეში არაერთი მნიშვნელოვანი გადაწყვეტილება გახდება ცნობილი.

  • "ევროკომისიამ უნდა გამოაქვეყნოს უახლესი ანგარიში მოლდოვისა და უკრაინის ევროკავშირში გაწევრიანების პროცესთან დაკავშირებით, საქართველოსა და დასავლეთ ბალკანეთის სამომავლო ევროპულ პერსპექტივაზე", — აღნიშნა მიშელმა.
  • მან ასევე განაცხადა, რომ ეს პოლიტიკური გადაწყვეტილებები ანგარიშების საფუძველზე მიიღება და იმედოვნებს, რომ დადებითი იქნება.