რეზოლუცია სეიმმა ერთხმად, 114 ხმით მიიღო.

რატომ არის მნიშვნელოვანი: მოუწოდებენ მთავრობას, არ გადაუხვიონ ევროინტეგრაციის გზასა და ევროპულ კურსს.

  • ლიეტუვის პარლამენტი მოუწოდებს საქართველოს ხელისუფლებას, თავი შეიკავოს ნებისმიერი საკანონმდებლო თუ სხვა ინიციატივებისგან, რომელიც ადამიანის უფლებებსა და გამოხატვის თავისუფლებებს ზღუდავს.
  • ასევე, აბრკოლებს სამოქალაქო საზოგადოების საქმიანობას და აფერხებს საქართველოს ევროკავშირში და NATO-ში გაწევრიანებას.

რეზოლუციაში განხილულია საქართველოში რუსული კანონის მიღების მცდელობა და აღნიშნულია, რომ ამან მასობრივი საზოგადოებრივი პროტესტი გამოიწვია.

  • ასევე, ნათქვამია, რომ ოპოზიციური ტელევიზიის, მთავარი არხის დირექტორის, ნიკა გვარამიას პატიმრობა და ექსპრეზიდენტ მიხეილ სააკაშვილის ჯანმრთელობის მდგომარეობა სასამართლოს დამოუკიდებლობაზე სერიოზულ კითხვებს აჩენს.
  • მოუწოდებენ მთავრობას, დაუყოვნებლივ მიიღონ გადაწყვეტილება სააკაშვილის უცხოეთში სამკურნალოდ გადაყვანაზე.
  • ასევე, დაუბრუნდნენ 19 აპრილის შეთანხმებას — აღნიშნავენ, რომ ეს მნიშვნელოვანი საფუძველია ევროკავშირსა და NATO-ში ქვეყნის ინტეგრაციისთვის.
  • გარდა ამისა, მოუწოდებენ ხელისუფლებას, რომ რუსეთისა და ბელარუსის წინააღმდეგ დასავლეთის მიერ დაწესებულ სანქციებს შეუერთდნენ და მხარი დაუჭირონ უკრაინას.