ამის შესახებ გირჩი — მეტი თავისუფლებამ, დროამ და სტრატეგია აღმაშენებელმა ჟურნალისტებთან ისაუბრეს.

რატომ არის მნიშვნელოვანი: მათი თქმით, ეს იყო პირველი ვიზიტი ოპოზიციის მხრიდან, ბრიუსელსა და სტრასბურგში, რომელიც მარტის მოვლენების შემდეგ შედგა, ამიტომ ფიქრობენ, რომ მნიშვნელოვანია საზოგადოებამ იცოდეს, რა განწყობა დახვდათ ევროკავშირში.

  • როგორც ამბობენ, ძირითადი სადისკუსიო საგანი და საკითხი კანდიდატის სტატუსი და მისი მიღების ალბათობა იყო.
  • ზურა ჯაფარიძის თქმით, ევროკავშირის რიგ სტრუქტურებში აქვთ კითხვები იმასთან დაკავშირებით, სად არის საქართველო ამ ომის დროს, ვის მხარესაა.

დეტალები: გირჩი — მეტი თავისუფლებას ლიდერის თქმით, პრობლემები ორი ძირითადი მიმართულებითაა.

  • "ერთი მიმართულება ეხება ღირებულებით ნაწილს, იგულისხმება ის, რომ ამ ოფიციალურ სტრუქტურებში ვერ ხედავენ ქართული ოცნების მხრიდან მზაობას, რომ მოხდეს დემონსტრირება, რომ ჩვენ, საქართველო ვიზიარებთ იმ ღირებულებებს, რომლებიც არის მნიშვნელოვანი შემადგენელი ნაწილი ევროკავშირის", — თქვა ზურა ჯაფარიძემ.
  • მისი თქმით, ღირებულებები ეხება სასამართლოს დამოუკიდებლობას, თავისუფალი, სამართლიანი არჩევნების ჩატარების სურვილს, პოლიტიკური პატიმრების არყოლას ქვეყანაში და თავისუფალი და პლურალისტური მედია გარემოს არსებობას.
  • ხოლო მეორე პრობლემა ეხება საქართველოს გეოპოლიტიკურ პოზიციონირებას უკრაინის ომთან მიმართებაში.
  • გიორგი ვაშაძის თქმით, იმისთვის, რომ წლის ბოლოს საქართველომ კანდიდატის სტატუსი მიიღოს, სამი მნიშვნელოვანი კომპონენტია შესასრულებელი.
  • "პირველი ესაა 12 პუნქტი და რეფორმების შესრულება, მეორე — უნდა შეწყდეს თავდასხმები პარტნიორებზე, მესამე — უნდა დალაგდეს უკრაინასთან ურთიერთობა", — თქვა სტრატეგია აღმაშენებლის ლიდერმა.