რუსული კანონის საწინააღმდეგო აქციებზე მთელი ქვეყანა სასიამოვნოდ გაოცებული დარჩა ახალი თაობის, იგივე Gen Z-ის აქტიურობით. ისინი არ შეუშინდნენ წყლის ჭავლსა და დარბევას და ევროპული ღირებულებები თავიანთი ახალგაზრდული სულისკვეთებით ბოლომდე დაიცვეს.

Gen Z-ის პროტესტი რუსული კანონის მხარდამჭერებსა და ხელისუფლების პროპაგანდისტებს, რა თქმა უნდა, თვალში არ მოუვიდათ. ერთ-ერთი მათგანი გია გაჩეჩილაძე, ე.წ. უცნობია, რომელიც Gen Z-ის აქციებზე სიარულის სანაცვლოდ საკუთარი კონცერტის უფასოდ გამართვასა და "გულაობას" დაჰპირდა.

როგორც ჩანს, ამ განცხადების გაკეთებისას უცნობს გააზრებული არ ჰქონდა, რომ ახალი თაობისთვის ის უცნობი პირდაპირი მნიშვნელობითაა — მის შესახებ Gen Z-დან თითქმის არავის სმენია.

ამის საილუსტრაციოდ სოციალურ ქსელებში შედარებით უფროსი თაობის წარმომადგენლები Gen Z-ის უცნობის კონცერტზე წაყვანას სთავაზობდნენ, რაზეც დაბნეულ პასუხებს იღებდნენ: Gen Z-ს უცნობი არც გაუგია და არც აინტერესებს.

ამ სტატიაში კი წარსულის გადმონაშთ ნივთებსა თუ მოვლენებს წარმოგიდგენთ, რომლებიც სჯობს, Gen Z-ისთვის უცნობივით უცნობი დარჩეს, რადგან მათ წინ უკეთესი, ნათელი და ევროპული მომავალი აქვთ:

1. უშუქობა

ფოტო: Unsplash

იმედი გვაქვს, Gen Z ქვეყანაში სიბნელეს არც პირდაპირი და არც გადატანითი მნიშვნელობით აღარ მოესწრება.

2. ზუკო

ფოტო: 90's / Facebook

სჯობს, კოკა-კოლა დალიოთ.

3. შავ-თეთრი ტელევიზორი

ცხოვრებისა და საყვარელი ფილმების საოცარი ფერებით ტკბობას ნამდვილად იმსახურებთ!

4. ეს ჟანგიანი სასწორი

იმედი გვაქვს, ამას პირველად და უკანასკნელად ხედავთ.

5. მადონას სერვიზი

გამოუსადეგარი ნივთები წარსულში დავტოვოთ.

6. პრეისტორიული ხანის უთო

უკომენტაროდ.

7. ამ უთოთი თმის დასწორება

ფოტო: Shutterstock

უბრალოდ თმის მრავალფეროვანი აქსესუარებით ისიამოვნეთ!

8. რუსული წარწერების მქონე ეს საშინელი რვეული საკონტროლოებისთვის

დანახვაც არ გვინდა!

9. სიმღერების ასე მოსმენა

სპოტიფაიზე გაზრდილ თაობას ამას არასდროს ვაკადრებთ!

10. სერიალი იუდას ქალი

ფოტო: RCTV

დატკბით HBO-სა და ნეტფლიქსის სერიალებით!

ამავე თემაზე: