ამის შესახებ გირჩი — მეტი თავისუფლება სოციალურ ქსელში წერს.

რატომ არის მნიშვნელოვანი: გუშინ, 8 მარტს, ჯაფარიძის ფეისბუქგვერდის ადმინისტრატორი წერდა, რომ პარლამენტის გვერდით შეჰყავდათ რობოკოპები, რა დროსაც ჩხუბი დაიწყო და "თან შეიყოლეს" ჯაფარიძე და პარტიის კიდევ ერთი წევრი, ნიკა მოსიაშვილი.

  • ჯაფარიძის ცოლმა, ნატა ქორიძემ თქვა, რომ აქციაზე ჯაფარიძეს თავში მიაყენეს დაზიანებები, შემდეგ კი შესაბამისი სამედიცინო დახმარება არ გაუწიეს.
  • მოგვიანებით On.ge-ს შინაგან საქმეთა სამინისტრომ დაუდასტურა, რომ გირჩი — მეტი თავისუფლება-ს ლიდერი დაკავებულია.

დეტალები: ახლად არჩეულმა სახალხო დამცველმა, ლევან იოსელიანმა დაკავებულები მოინახულა და აღნიშნა, რომ ყველაზე დიდი დაზიანება ზურა ჯაფარიძეს აქვს.

  • მან ჟურნალისტებთან საუბრისას აღნიშნა, რომ ყველა დაზიანებებზე ექიმები შესაბამის დასკვნას მოამზადებენ.
  • იოსელიანის განცხადებით, ზურა ჯაფარიძემ ხელკეტებით ცემა დაუდასტურა, დაკავების დეტალები მოუყვა და ჩვენება მისცა — გამოძიება დაწყებულია.
  • გირჩი — მეტი თავისუფლება სოციალურ ქსელში წერს, რომ დაკავებულების შესახებ დამატებითი დეტალების გარკვევისთანავე, ისინი ინფორმაციას კვლავ გაავრცელებენ.