საქართველოს საზოგადოებრივი მაუწყებლის სამეურვეო საბჭოში ვაკანტური ადგილის დაკავების სურვილი შვიდმა ადამიანმა გამოთქვა. კანდიდატების სია საქართველოს პარლემენტის ვებგვერდზეა გამოქვეყნებული.

მეურვეობის მსურველები არიან:

  1. დავით ცინცაძე;
  2. გიორგი იაკობაშვილი;
  3. აკაკი გიგინეიშვილი;
  4. ია მამალაძე;
  5. მიხეილ მრევლიშვილი;
  6. ლელა ფირალიშვილი;
  7. პაატა სურგულაძე.

კანდიდატების შერჩება ორ ეტაპად ჩატარდება. პირველ ეტაპზე მეურვეების შესარჩევი კომისია წარდგენილი დოკუმენტების საფუძველზე გადაარჩევს კანდიდატებს, მეორე ეტაპზე კი, მათთან გასაუბრებას ჩაატარებს.

სამეურვეო საბჭოს წევრების შესარჩები კომისია:

  • რუხაძე თინათინ - მოსწავლე ახალგაზრდობის სასახლის დირექტორი;
  • გალუმაშვილი სოსო - საზოგადოებასთან ურთიერთობის კონსულტანტი, პიარ-სააგენტო "ჯეპრას" დამფუძნებელი და ხელმძღვანელი, ქართულ-ამერიკული უნივერსიტეტის პიარ სკოლის დამფუძნებელი და ლექტორი;
  • თვალაძე თინათინ - ბლოგერი;
  • მხეიძე ზურაბ - ფსიქოლოგი;
  • სტეფანიანი არნოლდ - არასამთავრობო ორგანიზაცია "მრავალეროვანი საქართველოს" თავმჯდომარე;
  • ტატიშვილი ოთარ - ექიმი და ტელეწამყვანი;
  • ფოცხიშვილი ბასა - რეჟისორი, "სტუდია 1 2 3"-ის დამფუძნებელი;
  • შიდაშვილი მარინე - თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის პროფესორი;
  • ჯოლოგუა თამაზ - თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ჟურნალისტიკის მიმართულების ასოცირებული პროფესორი.

სამეურვეო საბჭოს წევრის შესარჩევი კონკურის გამოცხადების ბრძანება საქართველოს პარლამენტის თავმჯდომარემ, ირაკლი კობახიძემ 29 მაისს გამოსცა. განაცხადების მიღება 13 ივნისს დასრულდა.

თითქმის ერთი წელია, რაც ცხრაწევრიანი სამეურვეო საბჭო რვა წევრით არის დაკომპლექტებული. ამ შემთხვევაშიც, ვაკანტურია უმრავლესობის მიერ დასასახელებელი მეურვის კვოტა. მეურვის თანამდებობა მას შემდეგ გახდა ვაკანტური, რაც ნათელა სახოკიამ, შვილის - ირაკლი რუხაძის ტელეკომპანია იმედის სამეთვალყურეო საბჭოს თავმჯდომარედ დანიშვნის გამო, 13 ივნისს დატოვა.