წინასწარი მონაცემებით, 2017 წლის იანვარ-მაისში, წინა წლის იმავე პერიოდთან შედარებით, საქართველოში საქონლით საგარეო სავაჭრო ბრუნვა 15 პროცენტით გაიზარდა და 3 945 მილიონ ამერიკულ დოლარს გაუტოლდა. საქსტატის ამ მონაცემებში გათვალისწინებული არ არის არადეკლარირებული ვაჭრობა.

მიმდინარე წლის იანვარ-მაისში ექსპორტი 1 003 მლნ. აშშ დოლარი იყო, რაც 29 პროცენტით მეტია გასულ წელთან შედარებით. 2017 წლის პირველ ხუთ თვეში იმპორტი 2 941 მლნ. აშშ დოლარი იყო, რაც გასული წლის მონაცემებს 11 პროცენტით აღემატება. წელს იანვარ-მაისში უარყოფითი სავაჭრო ბრუნვა 1 938 მლნ. აშშ დოლარი იყო, რაც საგარეო სავაჭრო ბრუნვის 49 პროცენტია.