ხელოვნური ინტელექტი აქტიურად იმკვიდრებს ადგილს ჩვენს ცხოვრებაში. განსაკუთრებული დაინტერესება და პოპულარობა მოიპოვა ChatGPT-მ, რომელსაც კოდის გენერირებით დაწყებული, დამაჯერებელი ისტორიების შეთხზვით დამთავრებული, ყველაფერი შეუძლია. გამონაკლისი არც საინვესტიციო სფეროა. გთავაზობთ ChatGPT-ის რჩევებს ინვესტირებაში:

კითხვა: რა არის პირველი ნაბიჯი ინვესტირების დასაწყებად?

ChatGPT: პირველი ნაბიჯი ყოველთვის ინფორმაციის მიღებაა. ინვესტირების პროცესში საბაზისო ცოდნის მიღება შესაძლებელია უამრავი ონლაინ კურსის, წიგნისა და ფინანსური ვებგვერდის საშუალებით. სასურველია გამოცდილ ინვესტორთან გასაუბრებაც, რომელიც რჩევებსა და მიმართულებას მოგცემს. თუ გამოცდილი ინვესტორი არ არის შენ გარშემო, შეგიძლია იმ ადამიანებს ჰკითხო, ვინც დიდი ხანია სხვადასხვა ბაზარზე ვაჭრობს. თუმცა, გაითვალისწინე, რომ ხშირად მათი რჩევა შენს ინტერესებთან თანხვედრაში არ იქნება.

თუ ცოდნა მიიღე და შედარებით კარგად გაერკვიე ინვესტირებაში, აუცილებლად უნდა ნახო ის პლატფორმა, რომელიც შენი ლოკაციისთვის ხელმისაწვდომია. სწორედ ამ პლატფორმაზე უნდა გახსნა ანგარიში, გაერკვიო პლატფორმის ფუნქციებში, წაიკითხო დოკუმენტაცია და გადახვიდე შემდეგ ეტაპზე.

კითხვა: ამ ყველაფრის შემდეგ, რა იქნება შემდეგი ნაბიჯი დამწყები ინვესტორისთვის?

ChatGPT: თუ ყველა წინა ნაბიჯი უკვე შეასრულე, ახლა უკვე ფინანსური მიზნის, საინვესტიციო სტრატეგიის შემუშავების და შენი რისკისადმი ტოლერანტობის განსაზღვრის ჯერია. ფინანსური მიზანი ნიშნავს, რისი გაკეთება გინდა მიღებული სარგებლით, ხოლო საინვესტიციო სტრატეგია გულისხმობს, თუ სად დააბანდებ ფულს — სტარტაპებში, სწრაფად მზარდ აქციებში, დიდი ისტორიის მქონე კომპანიების აქციებში თუ სხვა. საინვესტიციო სტრატეგიის შემუშავებაში კვლავ შენთვის ხელმისაწვდომი პლატფორმის ფუნქციები დაგეხმარება. რისკისადმი ტოლერანტობის განსაზღვრის შემდეგ, უკვე შეძლებ აქტიურად დაიწყო ინვესტირება.

რისკისადმი ტოლერანტობა (Risk Tolerance) — ტოლერანტობა ზარალის იმ სავარაუდო მოცულობით განისაზღვრება, რომელიც ფინანსური გადაწყვეტილების მიღებისას ინვესტორმა შესაძლოა მიიღოს.

კითხვა: ყველა ეტაპის სწორად გავლის შემდეგ, რას ურჩევდი ინვესტორებს, რომ ინვესტირებისგან მაქსიმალური მოგება მიიღონ?

ChatGPT: ჩემი და არამხოლოდ ჩემი უმთავრესი რჩევა საინვესტიციო პორტფოლიოს გამრავალფეროვნებაა (დივერსიფიკაცია). იმისთვის, რომ ინვესტორმა უფრო უსაფრთხოდ იგრძნოს თავი, მნიშვნელოვანია სხვადასხვა კომპანიის აქციებში, სექტორში და ინდუსტრიაში ინვესტირება. ასევე, ეფექტურია გრძელვადიანი გეგმის შემუშავება და შესაბამისად მოქმედება. გრძელვადიანი ინვესტიციები უფრო მომგებიანია. ამ ყველაფრისთვის კი აუცილებელია ინვესტორის დისციპლინა და ინფორმაციის მუდმივად განახლება — ინვესტირება ერთჯერადი პროცესი არაა, მუდმივად ვითარდება და ინფორმაციაც მუდმივად იცვლება, რაც ინვესტორის სარგებელზეც აისახება.

თუ თავადაც მოგინდება ChatGPT-სგან რჩევების მიღება, ჩვენი რეკომენდაციაა, მას მაქსიმალურად კონკრეტული კითხვა დაუსვა. ამასთან ერთად, ეფექტურია კითხვის ისე დასმა, თითქოს მეგობარს მიმართავ. მაგალითად: "ვფიქრობ, ინვესტირება დავიწყო, თუმცა, არ ვიცი როგორ. რას მირჩევდი საწყის ეტაპზე?" პასუხების მიღების შემდეგ კი, კონკრეტულ ნაწილზე გაამახვილე ყურადღება. შედეგად, მეტად დეტალურ ინფორმაციას და რჩევებს მიიღებ.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.