ინფორმაციას იაპონიის პრემიერმინისტრი, ფუმიო კიშიდა ადასტურებს.

რატომ არის მნიშვნელოვანი: ეს მას შემდეგ მოხდა, რაც ფხენიანმა განაცხადა, რომ აშშ-ისა და სამხრეთ კორეის დაგეგმილ სამხედრო სწავლებას, "მტკიცე პასუხს" გასცემდნენ.

  • ჩრდილოეთ კორეის ბალისტიკური რაკეტების გაშვება გაეროს უშიშროების საბჭოს რეზოლუციითაა აკრძალული.

დეტალები: ტოკიოში აცხადებენ, რომ გემებისა და თვითმფრინავების დაზიანების შესახებ ინფორმაცია არ მიუღიათ.

  • იაპონიის თავდაცვის სამინისტროს განცხადებით, რაკეტამ 5 700 კილომეტრის სიმაღლეს მიაღწია, ფხენიანიდან დაახლოებით 900 კილომენტრი იფრინა და კუნძულ ჰოკაიდოს დასავლეთით ჩამოვარდა.
  • ოფიციალური პირების ინფორმაციით, რაკეტა ჰაერში 60 წუთის განმავლობაში იყო.
  • თეთრმა სახლმა დაგმო რაკეტის გამოცდა და განაცხადა, რომ საკუთარი ქვეყნისა და მოკავშირეების დასაცავად ყველა ზომას მიიღებს.