სირცხვილია პარლამენტის თავმჯდომარის, შალვა პაპუაშვილის განცხადებას ეხმაურება, სადაც მან მოძრაობის დაფინანსების წყაროებზე ისაუბრა.

რატომ არის მნიშვნელოვანი: პაპუაშვილი სირცხვილიას დამფინანსებლებით მას შემდეგ დაინტერესდა, რაც ჟურნალისტებმა ანტიდასავლური მოძრაობის ინიციატივაზე ჰკითხეს.

  • "ვინ არის სირცხვილიას დამფინანსებელი, საზოგადოებისთვის არ არის ცნობილი, რა ვიცი, იცით თქვენ, ვინ არის?" — იკითხა მან და ასე სცადა უცხოური გავლენის აგენტებზე კანონპროექტის "მნიშვნელობის" წარმოჩენა.
  • მან სირცხვილია ძალადობრივ ორგანიზაციად და ნაციონალური მოძრაობის ახალგაზრდულ ფრთად მოიხსენია.

სირცხვილიამ პაპუაშვილს ურჩია "აგენტების" სხვაგან ძებნის ნაცვლად, გუნდის წევრთა ბიოგრაფიებით დაინტერესდეს, ნაწილის კი თავადვე ჩამოუთვალეს.

  • "ირაკლი კობახიძე, 2006-14, გაეროს პროგრამის (UNDP) პროექტის ექსპერტი და მენეჯერი. თავად თქვენ 2017-20, გერმანიის საერთაშორისო თანამშრომლობის საზოგადოების (GIZ) საქართველოს გუნდის ხელმძღვანელი";
  • "სოზარ სუბარი, 1995-2000, ლონდონის ომისა და მშვიდობის რეპორტაჟების ინსტიტუტის კორესპონდენტი და IREX-ის კანონის უზენაესობის პროექტის დირექტორი";
  • "ბიოგრაფიების შესწავლისას შემთხვევით წავაწყდით: რამინა (რიმა) ბერიძე, 1985-1991, რაიკომის მდივანი", — წერენ ისინი.

გარდა ამისა, მიაწოდეს მოძრაობის ფინანსური დონორებზე ინფორმაციაც.

  • მათი განცხადებით, რუსული კანონის ანალოგის მიღებით, მიზანმიმართულად უთხრიან ძირს საქართველოს ევროპულ მომავალს.

ფოტო: სირცხვილია

წასულების ინიციატივა: ანტიდასავლურმა მოძრაობაში "უცხოური გავლენის აგენტების რეესტრის" შექმნა სურთ.

  • ამტკიცებენ, რომ კანონპროექტი აშშ-ის კანონმდებლობითა და დემოკრატიული ქვეყნების საუკეთესო პრაქტიკითაა შედგენილი, თუმცა მსგავსი კანონი აშშ-ში 1938 წელს ნაცისტური პროპაგანდის წინააღმდეგ საბრძოლველად შეიქმნა, მოგვიანებით კი უცხოური ლობისტური ორგანიზაციების საქმიანობის კონტროლამდე დავიწროვდა.
  • სამაგიეროდ, კანონი, რომელზეც მუშაობენ, წლებია, არსებობს რუსეთში.
  • ოკუპანტი ქვეყნის საკანონმდებლო ორგანო მის მიღებას რუსეთის მოქალაქეების ინტერესების, ქვეყნის უსაფრთხოებისა და სუვერენიტეტის "უცხოური გავლენებისგან" დაცვის მოტივით ხსნიდა, საბოლოოდ, კი თავისუფალი სიტყვის წინააღმდეგ გამოიყენა.
  • წასულების ინიციატივა კრიტიკულად შეფასდა სამოქალაქო სექტორში, ომბუდსმენის აპარატსა და არასამთავრობო ორგანიზაციებში.