რიანა Super Bowl-ზე გამოჩნდა და საზოგადოებას შეატყობინა, რომ ის და A$AP Rocky მეორე შვილს ელოდებიან. ორსულმა მომღერალმა სცენაზე We Found Love, Where Have You Been, Diamonds და სხვა ცნობილი ჰიტები შეასრულა და მედიის ყურადღების ცენტრშიც მოექცა.

შეგახსენებთ, რომ რიანასა და A$AP Rocky-ს 9 თვის წინ ბიჭი შეეძინა. რაც შეეხება Super Bowl-ზე მონაწილეობას, რიანას თქმით, ამაზე ბევრი იფიქრა და ბოლოს გადაწყვიტა, რომ სცენაზე გამოსულიყო. "როცა დედა ხდები, ისეთი გრძნობა გიჩნდება, რომ ყველაფრის გაკეთება შეგიძლია. Super Bowl ერთ-ერთი მნიშვნელოვანი მოვლენაა და ამ გამოწვევის მიღება ჩემთვის ამაღელვებელია. მნიშვნელოვანია, რომ ჩემმა შვილმა ეს დაინახოს", — განაცხადა რიანამ.

ფოტო: Getty Images

ცოტა ხნის წინ A$AP Rocky-მ GQ-თან ინტერვიუში რიანას შესახებ ისაუბრა და მომღერალს "ცხოვრების სიყვარული" უწოდა. ხოლო ურთიერთობის შესახებ განაცხადა, რომ საუკეთესო განცდაა, როცა "ის ერთადერთი" უკვე ნაპოვნი გყავს. "ვფიქრობ, რომ საოცარი მამა ვიქნები", — განაცხადა რეპერმა და თან დასძინა, რომ ოჯახის შექმნისთვის მზად არის.

წყვილმა მრავალწლიანი მეგობრობის შემდეგ სასიყვარულო ურთიერთობა 2020 წლის ნოემბერში დაიწყო. მანამდე კი რიანა მილიარდერ ჰასან ჯამილს ხვდებოდა, რომელსაც 2020 წლის იანვარში დაშორდა. 2020 წლის ივნისიდან კი რიანა უკვე A$AP Rocky-თან ერთად ბევრ ინტერვიუში გამოჩნდა და მათი ურთიერთობის შესახებ საუბარი სწორედ ამ პერიოდიდან დაიწყო.

2020 წელს Vogue-თან ინტერვიუში რიანამ განაცხადა, რომ ცხოვრების შეცვლას სურს და შემდეგი 10 წლის განმავლობაში აპირებს, რომ სამი ან ოთხში შვილი ჰყავდეს, თუნდაც პარტნიორთან ერთად არ ცხოვრობდეს.