თბილისის საქალაქო სასამართლოში Birja Mafia-ს დაკავებული წევრების სასამართლო პროცესი მიმდინარეობს. ერთ-ერთმა მათგანმა, მიშკა მგალობლიშვილმა პროცესზე სიტყვით გამოსვლისას თქვა, რომ პოლიცია პირველად გააშარჟა და მაშინვე ნარკოტიკი ჩაუდეს. ამის შესახებ ლექსო მაჭავარიანი წერს ფეისბუქზე, რომელიც პროცესს ესწრება:

მიშკა მგალობლიშვილის აღმკვეთი ღონისძიების საკითხს დღეს, 16 საათზე მოსამართლე ბადრი შონია განიხილავს. პროცესის პარალელურად სასამართლოში მხარდამჭერი აქცია იმართება, რომელსაც თეთრი ხმაურის მოძრაობისა და პარტია გირჩის წევრები ესწრებიან.

გამოძიება მგალობლიშვილს 1,4965 გრამი ნარკოტიკული საშუალება MDMA-ის შეძენა-შენახვას ედავება. იგი 7 ივნისს დააკავეს.

საქმეზე გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის მუხლით მიმდინარეობს, რაც ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.