"სულ თავიდან, იმ დროიდან, როცა პირველი პატარა გოგო არსებობდა, არსებობდნენ თოჯინებიც, თუმცა ეს თოჯინები ყოველთვის ბავშვი თოჯინები იყვნენ მანამ, სანამ..." — ასე იწყება ბარბის ტრეილერი, რომელიც სტენლი კუბრიკის ლეგენდარული ფილმის, 2001: კოსმოსური ოდისეის დასაწყისს საოცარი სიზუსტით იმეორებს.

ტრეილერში ბავშვი თოჯინებით მოთამაშე გოგოები უზარმაზარ მარგო რობის ხედავენ, რომელიც ფილმში ბარბის როლს ასრულებს. ბარბის დანახვით აღფრთოვანებული გოგოები საკუთარ თოჯინებს ლეწავენ.

ტრეილერში ვარდისფერ სამყაროში აღმოჩენილ მარგო რობის, შემდეგ კი კენს ვხედავთ, რომლის როლსაც რაიან გოსლინგი თამაშობს.

გრეტა გერვიგის ახალი ფილმის პრემიერა 21 ივლისსაა დაგეგმილი. ტრეილერიდან აშკარაა, რომ წინ საოცარი და ფერადი თავგადასავალი გველის, რომელიც კინომოყვარულებს იმედს ნამდვილად არ გაუცრუებს.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...